విమాన తయారీ రంగంలో భారత్లో భారీ పెట్టుబడి దిశగా అడుగు పడుతోంది. అదానీ గ్రూప్ మరియు బ్రెజిల్కు చెందిన ప్రముఖ విమాన తయారీ సంస్థ ఎంబ్రాయర్ కలిసి గుజరాత్లోని ధోలెరాలో ఫైనల్ అసెంబ్లీ లైన్ (FAL) ఏర్పాటు చేయాలని నిర్ణయించినట్లు సమాచారం.
ఎంబ్రాయర్ గతేడాది అక్టోబరులో దిల్లీలో తన కార్యాలయాన్ని ప్రారంభించి భారత మార్కెట్పై ప్రత్యేక దృష్టి సారించింది. పౌర విమానాలు, రక్షణ రంగ విమానాల విభాగాల్లో అవకాశాలను అన్వేషిస్తున్న ఈ సంస్థ, భారత్లో ప్రాంతీయ రవాణా విమానాల తయారీకి ముందడుగు వేసింది.
ఈ క్రమంలోనే అదానీ డిఫెన్స్ అండ్ ఏరోస్పేస్తో ఈ ఏడాది జనవరిలో వ్యూహాత్మక భాగస్వామ్య ఒప్పందం కుదుర్చుకుంది. ఇప్పుడు రెండు సంస్థలు కలిసి ధోలెరాను FAL ఏర్పాటు కోసం అనువైన ప్రదేశంగా ఎంపిక చేసినట్లు విశ్వసనీయ వర్గాల సమాచారం.
ప్రస్తుతం భారత వైమానిక దళం, ప్రభుత్వ ఏజెన్సీలు, బిజినెస్ జెట్ ఆపరేటర్లు మరియు స్టార్ ఎయిర్ వంటి సంస్థల్లో ఎంబ్రాయర్కు చెందిన సుమారు 50 విమానాలు సేవలందిస్తున్నాయి. ఈ కొత్త ప్రాజెక్ట్తో భారత్లో విమాన తయారీ సామర్థ్యం మరింత బలపడే అవకాశం ఉంది.
Andhra pradesh Andhrapradesh APNews BreakingNews Breaking news BusinessNews CricketNews CrimeNews EntertainmentNews Geopolitics Government India IndiaNews InternationalNews LatestNews LawAndOrder MarketUpdate MovieNews News news24 newsalert NewsToday NewsUpdate PoliticalNews PublicSafety shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiMedia ShivaShaktiNews SportsNews TechNews Telangana TelanganaNews TeluguCinema TeluguNews Tollywood TrendingNews ViralNews WorldNews
