ఇ-కామర్స్ దిగ్గజం ఫ్లిప్కార్ట్ దేశీయ సౌందర్య లేపనాలు మరియు వ్యక్తిగత సంరక్షణ ఉత్పత్తుల (BPC) మార్కెట్పై కీలక అంచనాలు వెలువరించింది. 2030 నాటికి ఈ రంగం 39 బిలియన్ డాలర్లు (సుమారు రూ.3.70 లక్షల కోట్లు) స్థాయికి చేరే అవకాశం ఉందని పేర్కొంది.
ప్రస్తుతం ఈ మార్కెట్ విలువ సుమారు 27 బిలియన్ డాలర్లు (సుమారు రూ.2.56 లక్షల కోట్లు)గా ఉందని, భవిష్యత్తులో భారీ వృద్ధి అవకాశాలు ఉన్నాయని ఫ్లిప్కార్ట్ సీనియర్ డైరెక్టర్ ప్రియాంకా భార్గవ్ తెలిపారు. సాధారణంగా ప్రత్యేక సందర్భాల్లో మాత్రమే మేకప్ చేసుకునే ధోరణి తగ్గి, రోజువారీగా అందంగా కనిపించాలనే, ఆత్మవిశ్వాసంతో ఉండాలనే భావన పెరగడం ఈ వృద్ధికి కారణమని ఆమె వివరించారు.
2025-26 తొలి త్రైమాసిక డేటా ప్రకారం ఫ్లిప్కార్ట్ ప్లాట్ఫామ్లో ప్రతి సెకనుకు సుమారు 12 సౌందర్య ఉత్పత్తులు విక్రయమవుతున్నాయి. గత ఏడాది ఇదే కాలంతో పోలిస్తే ఈ వ్యాపారం 1.5 రెట్లు పెరిగింది. ఆర్డర్లు మరియు యూనిట్ల సంఖ్య 1.6 రెట్లు వృద్ధి చెందింది.
ఈ విభాగంలో ప్రధానంగా జెన్జీ (Gen Z) వినియోగదారుల నుంచి అధిక డిమాండ్ కనిపిస్తోంది. మొత్తం కొనుగోళ్లలో మూడింటిలో రెండు మెట్రోేతర ప్రాంతాల నుంచే వస్తుండగా, మూడో వంతు చిన్న పట్టణాల నుంచే నమోదవుతున్నాయి.
స్థానిక వాతావరణ పరిస్థితులు, కాలుష్యం, నీటి నాణ్యత వంటి అంశాల ఆధారంగా వినియోగదారులు వేర్వేరు రకాల సౌందర్య ఉత్పత్తులను ఎంపిక చేస్తున్నారని ఫ్లిప్కార్ట్ వెల్లడించింది.
Andhra pradesh Andhrapradesh APNews BreakingNews Breaking news BusinessNews CricketNews CrimeNews EntertainmentNews Geopolitics Government India IndiaNews InternationalNews LatestNews LawAndOrder MarketUpdate MovieNews News news24 newsalert NewsToday NewsUpdate PoliticalNews PublicSafety shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiMedia ShivaShaktiNews SportsNews TechNews Telangana TelanganaNews TeluguCinema TeluguNews Tollywood TrendingNews ViralNews WorldNews
