మహిళా క్రికెటర్ల కోసం అంతర్జాతీయ క్రికెట్ కౌన్సిల్ (ICC) తీసుకువచ్చిన ‘పోస్ట్ ప్రెగ్నెన్సీ రిటర్న్ టు ప్లే’ కొత్త మార్గదర్శకాలను బాలీవుడ్ అగ్రనటి దీపికా పదుకొణె స్వాగతించారు. ఈ నిర్ణయం క్రీడల్లో మహిళలకు చరిత్రాత్మక ఘట్టమని, అత్యంత కీలకమైన ముందడుగు అని ఆమె ప్రశంసించారు.
ఐసీసీ ప్రకటించిన ఈ కొత్త పాలసీని దీపిక తన ఇన్స్టాగ్రామ్ స్టోరీస్లో పంచుకుంటూ, మహిళా క్రికెటర్లకు లభించిన గొప్ప గుర్తింపుగా అభివర్ణించారు. ప్రసవానంతరం క్రీడలోకి తిరిగి రావడానికి అవసరమైన సహాయాన్ని కల్పించడం గొప్ప నిర్ణయమని ఆమె పేర్కొన్నారు.
ఈ మార్గదర్శకాల ప్రకారం, మహిళా క్రికెటర్లకు ప్రసవం తర్వాత వైద్య, మానసిక సహాయం అందించడంతో పాటు వ్యక్తిగత రికవరీ ప్లాన్లు రూపొందిస్తారు. ఫిట్నెస్ తిరిగి పొందేందుకు ప్రత్యేక ట్రైనింగ్ షెడ్యూల్స్ కూడా అందుబాటులో ఉంటాయి. అలాగే పసిపిల్లలతో ప్రయాణించే తల్లుల కోసం ప్రత్యేక వసతులు కూడా ఏర్పాటు చేయనున్నట్లు ఐసీసీ తెలిపింది.
ఇటీవల వర్కింగ్ అవర్స్ కారణంగా కొన్ని ప్రాజెక్టుల నుంచి దీపిక వైదొలిగిన విషయం కూడా చర్చనీయాంశమైంది. తల్లి అయిన తర్వాత మహిళా నటీమణులకు మరిన్ని వెసులుబాటులు అవసరమని పలువురు అభిప్రాయపడ్డారు. ఈ నేపథ్యంలో ఐసీసీ కొత్త పాలసీపై దీపిక స్పందన ప్రాధాన్యం సంతరించుకుంది.
సినిమాల విషయానికి వస్తే, షారుఖ్ ఖాన్తో కలిసి సిద్ధార్థ్ ఆనంద్ దర్శకత్వంలో తెరకెక్కుతున్న ‘కింగ్’ చిత్రంలో దీపిక నటిస్తున్నారు. అలాగే అట్లీ దర్శకత్వంలో అల్లు అర్జున్తో కలిసి రూపొందుతున్న ‘రాకా’ సినిమాలో కూడా ఆమె నటిస్తున్నారు.
Andhra pradesh Andhrapradesh APNews BreakingNews Breaking news BusinessNews CricketNews CrimeNews EntertainmentNews Geopolitics Government India IndiaNews InternationalNews LatestNews LawAndOrder MarketUpdate MovieNews News news24 newsalert NewsToday NewsUpdate PoliticalNews PublicSafety shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiMedia ShivaShaktiNews SportsNews TechNews Telangana TelanganaNews TeluguCinema TeluguNews Tollywood TrendingNews ViralNews WorldNews
