టాటా గ్రూప్లో కీలక పరిణామంగా, ఓల్టాస్ (Voltas) ఛైర్మన్ పదవి నుంచి వైదొలుగుతున్నట్లు నోయల్ టాటా ప్రకటించారు. ఇదే టాటా గ్రూప్కు చెందిన మరో సంస్థ ట్రెంట్ ఛైర్మన్ బాధ్యతల నుంచి ఆయన వైదొలిగిన దాదాపు వారం రోజులకే ఈ నిర్ణయం రావడం ప్రాధాన్యత సంతరించుకుంది.
ఓల్టాస్ 72వ వార్షిక సర్వసభ్య సమావేశం (ఏజీఎం)లో వాటాదార్లను ఉద్దేశించి మాట్లాడిన నోయల్ టాటా, “మీకు తెలిసే ఉంటుంది కదా.. ఇదే నా చివరి ఏజీఎం” అని పేర్కొన్నారు. ఈ సందర్భంగా కంపెనీ భవిష్యత్ నాయకత్వంపై నమ్మకం వ్యక్తం చేశారు. అంతర్గత ప్రమోషన్లు, ఇతర సంస్థల నుంచి నియామకాల కలయిక ద్వారా సంస్థలో కొత్త తరానికి చెందిన సారథులను అభివృద్ధి చేసినట్లు ఆయన తెలిపారు.
నోయల్ టాటా 2003 జనవరి 27న ఓల్టాస్ బోర్డులో సభ్యుడిగా చేరారు. అనంతరం 2017 సెప్టెంబర్ 1న ఆయనను నాన్ ఎగ్జిక్యూటివ్ ఛైర్మన్గా నియమించారు. దీర్ఘకాలంగా సంస్థ అభివృద్ధి, వ్యూహాత్మక నిర్ణయాల్లో ఆయన కీలక పాత్ర పోషించారు.
ఇక టాటా సన్స్లో ప్రధాన వాటాదారుగా ఉన్న ఆయన, ప్రస్తుతం టాటా సన్స్ ఛైర్మన్గా కూడా బాధ్యతలు నిర్వహిస్తున్నారు. ఈ ఏడాది నవంబర్లో ఆయన 70 ఏళ్ల వయసు పూర్తి చేసుకోనున్నారు. కంపెనీల చట్టం 2013 ప్రకారం 70 ఏళ్లు లేదా అంతకంటే ఎక్కువ వయసు ఉన్న వ్యక్తులను మేనేజింగ్ డైరెక్టర్గా లేదా పూర్తికాల డైరెక్టర్గా నియమించడం లేదా వారి పదవీకాలాన్ని పొడిగించడం సాధారణంగా పరిమితులకు లోబడి ఉంటుంది.
Andhra pradesh Andhrapradesh APNews BreakingNews Breaking news BusinessNews CricketNews CrimeNews Crime News EducationNews EntertainmentNews Geopolitics Government Hyderabad India IndianCinema IndiaNews InternationalNews LatestNews MarketUpdate MovieNews News NewsUpdate PoliticalNews shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiNews SportsNews StockMarket TechNews Telangana TelanganaNews TeluguCinema TeluguNews Tollywood TrendingNews ViralNews Wellness WorldNews
