పోటీ పరీక్షల్లో అక్రమాలు, నీట్ ప్రశ్నపత్రాల లీకేజీకి వ్యతిరేకంగా నిర్వహించిన విద్యార్థుల నిరసనలపై సుప్రీంకోర్టు కీలక ఆదేశాలు జారీ చేసింది. నేరచరిత్ర లేని మైనర్లపై కఠిన చర్యలు తీసుకోవద్దని, అలాంటి వారిని వెంటనే విడుదల చేయాలని రాష్ట్రాలను ఆదేశించింది. అయితే నేరాభియోగాలు ఎదుర్కొంటున్న ఆందోళనకారులకు ఈ ఆదేశాలు వర్తించవని స్పష్టం చేసింది.
దిల్లీలోని జంతర్మంతర్ వద్ద నిరసనకారుల పట్ల పోలీసులు కఠినంగా వ్యవహరించారనే ఆరోపణలపై నిష్పాక్షిక, స్వతంత్ర దర్యాప్తు అవసరమని ధర్మాసనం అభిప్రాయపడింది. ఇందుకోసం సుప్రీంకోర్టు మాజీ న్యాయమూర్తి నేతృత్వంలో ప్రత్యేక దర్యాప్తు బృందం (సిట్) ఏర్పాటు చేయనున్నట్లు తెలిపింది.
‘చలో పార్లమెంట్’ నిరసనలకు సంబంధించి నమోదైన ఎఫ్ఐఆర్లపై దిల్లీ ప్రభుత్వం దర్యాప్తు కొనసాగించవచ్చని సీజేఐ జస్టిస్ సూర్యకాంత్, జస్టిస్ జోయ్మాల్యా బాగ్చీ, జస్టిస్ వి.మోహన్లతో కూడిన ధర్మాసనం పేర్కొంది. అయితే విద్యార్థులపై తక్షణ కఠిన చర్యలు తీసుకోవద్దని సూచించింది.
నిరసనల సందర్భంగా మహిళలు, న్యాయవాదులు, మీడియా ప్రతినిధులు గాయపడినట్లు వచ్చిన ఆరోపణలపైనా స్వతంత్ర దర్యాప్తు అవసరమని కోర్టు పేర్కొంది. శాంతియుత నిరసనల నిర్వహణ, పోలీసుల చర్యలకు సంబంధించి దేశవ్యాప్తంగా ఏకరూప మార్గదర్శకాలు రూపొందించాల్సిన అవసరం ఉందని అభిప్రాయపడింది. అలాగే 250 మంది పోలీసులపై ఆందోళనకారులు దాడి చేశారన్న ఆరోపణలపైనా దర్యాప్తు జరిపి, ఈ ఘటనలకు పాల్పడింది విద్యార్థులా లేదా ఇతర నేరగాళ్లా అన్నది తేల్చాలని సూచించింది.
Andhra pradesh Andhrapradesh APNews BreakingNews Breaking news BusinessNews CricketNews CrimeNews EducationNews EntertainmentNews Geopolitics Government India IndianCinema IndiaNews InternationalNews LatestNews MarketUpdate MovieNews News NewsToday NewsUpdate PoliticalNews PublicSafety shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiMedia ShivaShaktiNews SportsNews StockMarket TechNews Telangana TelanganaNews TeluguCinema TeluguNews Tollywood TrendingNews ViralNews WorldNews
