కాకినాడ జిల్లాలో ఏలేరు ఆయకట్టు పరిధిలో సాగునీటి పరిస్థితులను మంత్రి నిమ్మల రామానాయుడు శుక్రవారం పరిశీలించారు. పెద్దాపురం, జగ్గంపేట నియోజకవర్గాల్లోని ఏలేరు పరివాహక ప్రాంతాల్లో పర్యటించిన ఆయన.. రైతులకు సాగునీరు అందించేందుకు తీసుకుంటున్న చర్యలను అధికారులతో సమీక్షించారు.
ఈ సందర్భంగా మంత్రి మాట్లాడుతూ.. ఏలేరు ఆయకట్టుకు పురుషోత్తపట్నం ఎత్తిపోతల పథకం ఎంతో కీలకంగా మారిందన్నారు. గోదావరిలో వరద ప్రవాహం జులైలోనే 6 వేల క్యూసెక్కులకు తగ్గిన నేపథ్యంలో అందుబాటులో ఉన్న నీటిని అత్యంత పొదుపుగా వినియోగించుకోవాలని రైతులకు సూచించారు. అనిశ్చిత వాతావరణ పరిస్థితులను దృష్టిలో ఉంచుకుని రైతులంతా తప్పనిసరిగా పంటల బీమా చేయించుకోవాలని కోరారు.ఏలేరు, పిఠాపురం కాలువల్లో పూడిక పేరుకుపోకుండా తక్షణమే పూడికతీత పనులు చేపట్టాలని అధికారులను ఆదేశించారు. అవసరమైన నిధుల విషయంలో ప్రభుత్వం వెనుకాడబోదని, అవసరమైతే కేబినెట్ ఆమోదం తీసుకుని పనులు చేపడతామని తెలిపారు.
ఏలేరు రిజర్వాయర్లో ప్రస్తుతం 8 టీఎంసీల నీరు మాత్రమే ఉందని, అందులో 6 టీఎంసీలు డెడ్ స్టోరేజ్లో ఉందని మంత్రి వివరించారు. పోలవరం ఎడమ కాలువ ఆఫ్టేక్ ద్వారా ఏలేరు ప్రాంతానికి ప్రత్యామ్నాయంగా నీటిని తరలిస్తున్నట్లు తెలిపారు. ఎల్నినో వంటి ప్రతికూల వాతావరణ పరిస్థితులు ఉన్నప్పటికీ ఏలేరు ఆయకట్టుకు సాగునీరు అందించేందుకు ప్రభుత్వం చర్యలు తీసుకుంటోందన్నారు.
Andhra pradesh Andhrapradesh APNews BreakingNews Breaking news BusinessNews CricketNews CrimeNews EducationNews EntertainmentNews Geopolitics Government India IndianCinema IndiaNews InternationalNews LatestNews MarketUpdate MovieNews News NewsToday NewsUpdate PoliticalNews PublicSafety shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiMedia ShivaShaktiNews SportsNews StockMarket TechNews Telangana TelanganaNews TeluguCinema TeluguNews Tollywood TrendingNews ViralNews WorldNews
