వర్షాకాలంలో ఆరోగ్యంగా ఉండాలంటే.. ఈ ఆహారాలు తప్పక తీసుకోండి!

విటమిన్ డి, మంచి కొవ్వులు అవసరం:
వర్షాకాలంలో ఆహారంలో విటమిన్ డి, అవసరమైన కొవ్వు ఆమ్లాలు ఉండేలా చూసుకోవాలని నిపుణులు సూచిస్తున్నారు. విటమిన్ డి ఎముకల ఆరోగ్యానికి, రోగనిరోధక వ్యవస్థకు ఉపయోగపడుతుంది. సమతుల్య ఆహారం, తగినంత నీరు, పరిశుభ్రత, వ్యక్తిగత ఆరోగ్య జాగ్రత్తలు పాటించడం ద్వారా వర్షాకాలంలో ఆరోగ్యాన్ని కాపాడుకోవచ్చు.

కూరగాయలతో ఇమ్యూనిటీకి బలం:
వర్షాకాలంలో సొరకాయ, గుమ్మడికాయ, కాకరకాయ, బీరకాయ వంటి కూరగాయలతో పాటు క్యారెట్‌, చిలగడదుంప, చేమదుంప వంటి దుంపజాతి కూరగాయలను తీసుకోవచ్చు. వీటిలో ఉండే పోషకాలు జీర్ణవ్యవస్థ ఆరోగ్యానికి, శరీర రోగనిరోధక శక్తికి తోడ్పడతాయి.

చిరుధాన్యాలు, గింజలు కూడా మేలు:
రాగి జావ, రాగి రొట్టె వంటి రాగితో తయారు చేసిన వంటకాలను ఆహారంలో చేర్చుకోవచ్చు. అలాగే సామలు, కొర్రలు వంటి చిరుధాన్యాలను కూడా తీసుకోవడం ఆరోగ్యానికి ప్రయోజనకరం. వీటితో సంప్రదాయ వంటకాలను తయారు చేసుకుని పెరుగు వంటి ఆహార పదార్థాలతో తీసుకోవచ్చు.

పప్పుధాన్యాలతో పోషకాలు:
వర్షాకాలంలో మాంసం లేదా చేపలు తీసుకోవడం ఇష్టపడని వారు పప్పుధాన్యాల ద్వారా ప్రొటీన్లు, విటమిన్లు, ఖనిజాలను పొందవచ్చు. పెసలు, శనగలు వంటి పప్పులను మొలకెత్తించి తీసుకోవడం కూడా మంచి పోషకాహార ఎంపికగా ఉంటుంది. ఉలవలు, అలసందలు వంటి పప్పుధాన్యాలను కూడా ఆహారంలో చేర్చుకోవచ్చు.గమనిక: ఆరోగ్య పరిస్థితులను బట్టి ఆహారంలో మార్పులు చేసుకునే ముందు వైద్యులు లేదా పోషకాహార నిపుణుల సలహా తీసుకోవడం మంచిది.వర్షాకాలం వచ్చిందంటే వాతావరణంలో మార్పులతో పాటు వివిధ రకాల ఇన్ఫెక్షన్ల ముప్పు కూడా పెరుగుతుంది. ఈ సమయంలో శరీర రోగనిరోధక వ్యవస్థను బలోపేతం చేసుకోవడం ఎంతో ముఖ్యం. అందుకు కాలానుగుణంగా లభించే పండ్లు, కూరగాయలను ఆహారంలో చేర్చుకోవడంతో పాటు, పోషకాలు సమృద్ధిగా ఉండే ఆహారాన్ని తీసుకోవాలని నిపుణులు సూచిస్తున్నారు.