గూగుల్ ఏఐ ప్రాజెక్టులో భాగంగా విశాఖపట్నంలో నిర్మిస్తున్న భారీ డేటా కేంద్రానికి సంబంధించిన పెట్టుబడి వివరాలు తొలిసారిగా వెల్లడయ్యాయి. అదానీ గ్రూప్, అంతర్జాతీయ డేటా సెంటర్ ఆపరేటర్ ఎడ్జ్కనెక్స్ సంయుక్త సంస్థ అయిన అదానీకనెక్స్ ఈ ప్రాజెక్టును చేపడుతోంది. సంస్థ సీఎఫ్ఓ జుగేశిందర్ (రాబీ) సింగ్ ఇటీవల జరిగిన ఎర్నింగ్స్ కాల్లో నిర్మాణ వ్యయానికి సంబంధించిన అంచనాలను వెల్లడించారు.
డేటా సెంటర్లో ఒక్కో మెగావాట్ సామర్థ్యం ఏర్పాటు చేయడానికి సుమారు రూ.70-75 కోట్లు ఖర్చవుతుందని సంస్థ అంచనా వేస్తోంది. మొత్తం 1 గిగావాట్ సామర్థ్యం కలిగిన ప్రాజెక్టులో భాగంగా తొలి దశలో 400 మెగావాట్ల డేటా సెంటర్ను అదానీకనెక్స్ అభివృద్ధి చేస్తోంది. ఒక్కో మెగావాట్కు రూ.75 కోట్ల చొప్పున లెక్కిస్తే తొలి దశ నిర్మాణ వ్యయం దాదాపు రూ.30 వేల కోట్లకు చేరుతుంది.
ఈ ప్రాజెక్టును 2025 అక్టోబరులో ప్రకటించారు. మూడు ప్రాంగణాల్లో కలిపి 1 గిగావాట్ సామర్థ్యంతో గూగుల్ ఏఐ డేటా సెంటర్ హబ్ను అభివృద్ధి చేయనున్నట్లు అప్పట్లో గూగుల్, అదానీ సంస్థలు వెల్లడించాయి. అదానీకనెక్స్తో పాటు భారతీ ఎయిర్టెల్కు చెందిన ఎన్ఎక్స్ట్రా కూడా ఈ ప్రాజెక్టు అభివృద్ధిలో భాగస్వామిగా ఉంది.
భారీ స్థాయి ఏఐ మౌలిక వసతుల ప్రాజెక్టు ద్వారా విశాఖపట్నం అంతర్జాతీయ టెక్నాలజీ గమ్యస్థానంగా ఎదిగే అవకాశం ఉందని అదానీకనెక్స్ ప్రతినిధి పేర్కొన్నారు. భారత్లో ఏఐ మౌలిక వసతుల అభివృద్ధికి ఈ ప్రాజెక్టు కీలకంగా నిలుస్తుందని, గూగుల్తో కలిసి పనిచేయడం తమకు గర్వకారణమని తెలిపారు.
Andhra pradesh Andhrapradesh APNews BreakingNews Breaking news BusinessNews CricketNews CrimeNews EducationNews EntertainmentNews Geopolitics Government Hyderabad India IndianCinema IndiaNews InternationalNews LatestNews MarketUpdate MovieNews News NewsToday NewsUpdate PoliticalNews shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiMedia ShivaShaktiNews SportsNews StockMarket TechNews Telangana TelanganaNews TeluguCinema TeluguNews Tollywood TrendingNews ViralNews WorldNews
