భారత్, అఫ్గానిస్థాన్ మధ్య సెప్టెంబరులో జరగనున్న మూడు టీ20ల సిరీస్ షెడ్యూల్లో మార్పులు జరిగే అవకాశాలు కనిపిస్తున్నాయి. ప్రస్తుతం ప్రకటించిన షెడ్యూల్ ప్రకారం సెప్టెంబరు 13, 15, 17 తేదీల్లో దిల్లీలోని అరుణ్ జైట్లీ స్టేడియంలో మూడు టీ20 మ్యాచ్లు జరగనున్నాయి.
అయితే ఈ సిరీస్కు ఆతిథ్య దేశంగా వ్యవహరిస్తున్న అఫ్గానిస్థాన్.. షెడ్యూల్లో స్వల్ప మార్పు చేయాలని భావిస్తున్నట్లు సమాచారం. ఇప్పటికే ఈ ప్రతిపాదనను భారత క్రికెట్ నియంత్రణ మండలి (బీసీసీఐ) దృష్టికి తీసుకెళ్లినట్లు సంబంధిత వర్గాలు తెలిపాయి
సిరీస్లో తొలి లేదా రెండో టీ20ని సెప్టెంబరు 14న నిర్వహించాలని అఫ్గానిస్థాన్ క్రికెట్ బోర్డు భావిస్తున్నట్లు తెలుస్తోంది. సెప్టెంబరు 14 సోమవారం కావడంతో పాటు వినాయక చవితి పండగ సెలవు దినం కావడం ఈ ప్రతిపాదనకు ప్రధాన కారణంగా తెలుస్తోంది.
పండగ రోజున మ్యాచ్ నిర్వహిస్తే ప్రేక్షకులు పెద్ద సంఖ్యలో స్టేడియానికి వచ్చే అవకాశం ఉందని అఫ్గాన్ బోర్డు అంచనా వేస్తోంది. అంతేకాకుండా టెలివిజన్, డిజిటల్ వేదికలపై మ్యాచ్ వీక్షణలు కూడా పెరిగే అవకాశం ఉందని భావిస్తున్నట్లు సమాచారం.
అయితే షెడ్యూల్లో మార్పు చేయాలంటే బీసీసీఐ అంగీకారం తప్పనిసరి. అఫ్గానిస్థాన్ ప్రతిపాదనపై భారత బోర్డు నిర్ణయం తీసుకున్న తర్వాతే మ్యాచ్ తేదీల్లో మార్పు ఉంటుందా లేదా అన్నది స్పష్టమవుతుంది.
అఫ్గానిస్థాన్లో నెలకొన్న అస్థిర పరిస్థితుల కారణంగా ఆ జట్టు చాలా కాలంగా తమ హోమ్ సిరీస్లను భారత్లోనే నిర్వహిస్తోంది. అయితే భారత్తో జరగబోయే ఈ మూడు టీ20ల సిరీస్కు మాత్రం అఫ్గానిస్థాన్ ఆతిథ్య దేశంగా వ్యవహరిస్తుండటం విశేషం.
Andhra pradesh Andhrapradesh APNews BreakingNews Breaking news BusinessNews CricketNews CrimeNews EducationNews EntertainmentNews Geopolitics Government Hyderabad India IndianCinema IndiaNews InternationalNews LatestNews MarketUpdate MovieNews News NewsToday NewsUpdate PoliticalNews shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiMedia ShivaShaktiNews SportsNews StockMarket TechNews Telangana TelanganaNews TeluguCinema TeluguNews Tollywood TrendingNews ViralNews WorldNews
