ముఖ్యమంత్రి రేవంత్రెడ్డి ఉస్మానియా యూనివర్సిటీకి రూ.వెయ్యి కోట్లు ఇస్తామని ప్రకటించి ఏడాది గడిచినా.. ఇప్పటివరకు ఒక్క రూపాయి కూడా మంజూరు చేయలేదని భాజపా రాష్ట్ర అధ్యక్షుడు రామచందర్రావు విమర్శించారు. హైదరాబాద్ తార్నాకలోని తన నివాసంలో నిర్వహించిన మీడియా సమావేశంలో ఆయన కాంగ్రెస్ ప్రభుత్వంపై పలు విమర్శలు చేశారు.
ఓయూలో మౌలిక వసతుల అభివృద్ధి, విద్యార్థుల సంక్షేమం కోసం భారీగా నిధులు కేటాయిస్తామని ప్రభుత్వం ప్రకటించిందని, అయితే ఆ హామీ అమలులోకి రాలేదని ఆయన అన్నారు. మరోవైపు ఉపాధ్యాయులకు జీతాలు చెల్లించేందుకు కూడా నిధుల కొరత ఉందని ముఖ్యమంత్రి స్వయంగా చెప్పడం ప్రభుత్వ ఆర్థిక పరిస్థితికి అద్దం పడుతోందని వ్యాఖ్యానించారు.
గత బీఆర్ఎస్ ప్రభుత్వం అనుసరించిన విధానాలనే కాంగ్రెస్ ప్రభుత్వం కూడా కొనసాగిస్తోందని రామచందర్రావు ఆరోపించారు. విద్యార్థుల సమస్యలపై మాట్లాడే నైతిక హక్కు బీఆర్ఎస్కు లేదని భాజపా మొదటి నుంచీ చెబుతోందన్నారు.
పాలిటెక్నిక్ విద్య కూడా నైపుణ్యాభివృద్ధిలో భాగమేనని, పాలిటెక్నిక్ విద్యార్థులు బీటెక్లో చేరే అవకాశాలను అడ్డుకోవడం సరికాదని అన్నారు. ప్రభుత్వం తీసుకున్న నిర్ణయం సరైనదేనని భావిస్తే.. దానిపై మరోసారి కమిటీ ఎందుకు ఏర్పాటు చేశారని ప్రశ్నించారు.
బీఆర్ఎస్, కాంగ్రెస్ ప్రభుత్వాల హయాంలో పేరుకుపోయిన ఫీజు రీయింబర్స్మెంట్ బకాయిలు రూ.15 వేల కోట్లకు చేరాయని రామచందర్రావు తెలిపారు. విద్యార్థులు, వారి కుటుంబాలపై భారం పడకుండా ప్రభుత్వం వెంటనే బకాయిలను చెల్లించాలని డిమాండ్ చేశారు.
యంగ్ ఇండియా స్కూళ్లను ఏర్పాటు చేస్తామని గొప్పగా ప్రకటించిన కాంగ్రెస్ ప్రభుత్వం.. వాటి అమలుపై తగినంత శ్రద్ధ చూపడం లేదని విమర్శించారు. పాలిటెక్నిక్ కాలేజీలను రద్దు చేసి వాటి భూములను స్వాధీనం చేసుకునే ప్రయత్నాలు జరుగుతున్నాయని ఆరోపించారు.
తెలంగాణలో విద్యార్థులు తమ హక్కుల కోసం పోరాడుతున్నారని, ప్రస్తుత ఉద్యమం అంతం కాదని.. ఇది ఆరంభం మాత్రమేనని రామచందర్రావు వ్యాఖ్యానించారు. అయితే విద్యార్థుల ఉద్యమాలను రాజకీయంగా ఉపయోగించుకునే విధానాన్ని తమ పార్టీ వ్యతిరేకిస్తుందని స్పష్టం చేశారు. విద్యార్థుల ఉద్యమంలో నేరుగా పాల్గొనకుండా.. వారి న్యాయమైన డిమాండ్లకు నైతికంగా మద్దతు ఇస్తామని తెలిపారు.
Andhra pradesh Andhrapradesh APNews BreakingNews Breaking news BusinessNews CricketNews CrimeNews EducationNews EntertainmentNews Geopolitics Government Hyderabad India IndianCinema IndiaNews InternationalNews LatestNews MarketUpdate MovieNews News NewsToday NewsUpdate PoliticalNews shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiMedia ShivaShaktiNews SportsNews StockMarket TechNews Telangana TelanganaNews TeluguCinema TeluguNews Tollywood TrendingNews ViralNews WorldNews
