విదేశీ ప్రత్యక్ష పెట్టుబడులు ఉన్న ఇ-కామర్స్ సంస్థల ఇన్వెంటరీ విషయంలో కేంద్ర ప్రభుత్వం కీలక మార్పులు చేసింది. ఎగుమతుల కోసం మాత్రమే తమ సొంత సరుకును నిల్వ చేసుకునేందుకు కంపెనీలకు అనుమతి కల్పించింది. అయితే ఈ సరుకంతా తప్పనిసరిగా భారత్లో తయారైనదై ఉండాలని స్పష్టం చేసింది.
ఆర్థిక వ్యవహారాల విభాగం సెప్టెంబరు 2న జారీ చేసిన నోటిఫికేషన్ ద్వారా ఫెమా నాన్-డెట్ ఇన్స్ట్రుమెంట్స్ రూల్స్-2019లో మార్పులు చేసింది. కొత్త నిబంధనల ప్రకారం ఎగుమతుల కోసం నిల్వ చేసిన వస్తువుల తయారీ, ఉత్పత్తి భారత్లోనే జరిగిందని కంపెనీలు నిర్ధారించాలి. అలాగే వాటి ఎగుమతుల ద్వారా వచ్చే ఆదాయం కూడా వర్తించే నిబంధనలకు అనుగుణంగానే ఉందని చూపించాల్సి ఉంటుంది.
అయితే దేశీయ వినియోగదారులకు నేరుగా విక్రయించే బీ2సీ వ్యాపారం కోసం ఇన్వెంటరీని సొంతంగా నిర్వహించుకునే విషయంలో నిషేధం కొనసాగుతుంది. విదేశీ పెట్టుబడులు ఉన్న ఈ-కామర్స్ సంస్థలు ఎగుమతుల కోసం కేటాయించిన వస్తువులను దేశీయ మార్కెట్కు మళ్లిస్తే ఫెమా నిబంధనల ఉల్లంఘనగా పరిగణించే అవకాశం ఉంటుంది.
ఈ మార్పులతో భారతీయ తయారీదారులు అంతర్జాతీయ మార్కెట్లకు మరింత సులభంగా చేరుకునే అవకాశం ఏర్పడనుంది. ముఖ్యంగా దేశీయంగా తయారయ్యే వస్తువుల ఎగుమతులకు ఊతం లభించడంతో పాటు ‘మేక్ ఇన్ ఇండియా’ ఉత్పత్తులకు ప్రపంచవ్యాప్తంగా డిమాండ్ పెంచేందుకు ఇది దోహదపడొచ్చు.
Andhra pradesh Andhrapradesh APNews BreakingNews Breaking news BusinessNews CricketNews CrimeNews EducationNews EntertainmentNews Geopolitics Government Hyderabad India IndianCinema IndiaNews InternationalNews LatestNews MarketUpdate MovieNews News NewsUpdate PoliticalNews shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiMedia ShivaShaktiNews SportsNews StockMarket TechNews Telangana TelanganaNews TeluguCinema TeluguNews Tollywood TrendingNews ViralNews Wellness WorldNews
