బ్రిక్స్ శిఖరాగ్ర సదస్సు నేపథ్యంలో ప్రధాని నరేంద్ర మోదీ, చైనా అధ్యక్షుడు షీ జిన్పింగ్కు తన చిత్రపటాన్ని కానుకగా ఇచ్చారంటూ సామాజిక మాధ్యమాల్లో ఓ వీడియో వైరల్గా మారింది. అయితే ఈ ప్రచారంలో ఎలాంటి వాస్తవం లేదని కేంద్ర ప్రభుత్వానికి చెందిన పీఐబీ ఫ్యాక్ట్చెక్ విభాగం స్పష్టం చేసింది.
వైరల్ అవుతున్న వీడియో ప్రస్తుత ఘటనకు సంబంధించినది కాదని.. 2019లో జిన్పింగ్ భారత్ పర్యటనకు వచ్చిన సమయంలోనిదని వెల్లడించింది. 2019 అక్టోబర్ 12న మామల్లపురంలో జరిగిన భేటీలో చైనా అధ్యక్షుడు జిన్పింగ్ స్వయంగా ప్రధాని మోదీకి ఆ చిత్రపటాన్ని బహూకరించినట్లు పీఐబీ ఫ్యాక్ట్చెక్ తెలిపింది.
ఈ విషయాన్ని నిర్ధారించేందుకు నాటి ఫొటోలను, భారత్లోని చైనా రాయబార కార్యాలయం ప్రత్యేకంగా ప్రచురించిన బుక్లెట్కు సంబంధించిన సమాచారాన్ని కూడా పీఐబీ ఫ్యాక్ట్చెక్ తన పోస్టులో వెల్లడించింది. దీంతో ప్రస్తుత బ్రిక్స్ సదస్సు సందర్భంగా జిన్పింగ్కు మోదీ తన చిత్రపటాన్ని కానుకగా ఇచ్చారన్న ప్రచారం తప్పుదోవ పట్టించేదిగా తేలింది.
మరోవైపు దాదాపు ఏడేళ్ల తర్వాత చైనా అధ్యక్షుడు జిన్పింగ్ భారత్కు రావడం ప్రాధాన్యం సంతరించుకుంది. 2020లో జరిగిన గల్వాన్ ఘర్షణల తర్వాత భారత్, చైనా దేశాల మధ్య సంబంధాల్లో చోటుచేసుకున్న పరిణామాల నేపథ్యంలో ఈ పర్యటనపై అంతర్జాతీయంగా ఆసక్తి నెలకొంది.
బ్రిక్స్ శిఖరాగ్ర సదస్సు సందర్భంగా ప్రధాని నరేంద్ర మోదీ, జిన్పింగ్ మధ్య ద్వైపాక్షిక భేటీ కూడా జరగనుంది. ఇరుదేశాల మధ్య సంబంధాలు, సరిహద్దు అంశాలు, ద్వైపాక్షిక సహకారం వంటి కీలక అంశాలు ఈ సమావేశంలో చర్చకు వచ్చే అవకాశం ఉంది.
Andhra pradesh Andhrapradesh APNews BreakingNews Breaking news BusinessNews CricketNews CrimeNews EducationNews EntertainmentNews Geopolitics Government Hyderabad India IndianCinema IndiaNews InternationalNews LatestNews MarketUpdate MovieNews News NewsUpdate PoliticalNews shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiMedia ShivaShaktiNews SportsNews StockMarket TechNews Telangana TelanganaNews TeluguCinema TeluguNews Tollywood TrendingNews ViralNews Wellness WorldNews
