కరీంనగర్ జిల్లా ఇల్లందకుంట మండలం రాచపల్లికి చెందిన ఒజ్జపల్లి రాజబాబు(35) తరచూ మద్యం సేవించి కుటుంబసభ్యులతో గొడవపడేవాడని పోలీసులు తెలిపారు. తాను చేసిన అప్పులు తీర్చేందుకు భూమిని విక్రయించాలని తల్లి లచ్చమ్మ, అక్క కవిత, బావ జూపాక శంకర్పై ఒత్తిడి చేసేవాడు. వారు అందుకు అంగీకరించకపోవడంతో తరచూ గొడవలు జరిగేవని పేర్కొన్నారు.
ఈ నెల 7న రాజబాబు తన సోదరి నివాసముంటున్న తనుగులలోని ఇంటికి వెళ్లి గొడవపడి ఇంట్లోని సామగ్రిని ధ్వంసం చేశాడు. దీనిపై కుటుంబసభ్యులు పోలీసులకు ఫిర్యాదు చేయడంతో సీఐ రామకృష్ణ ఆధ్వర్యంలో కౌన్సిలింగ్ నిర్వహించారు. ఆ సమయంలో రాజబాబు తన తప్పును అంగీకరించినట్లు పోలీసులు తెలిపారు.
అయితే ఈ నెల 10న మరోసారి మద్యం సేవించి సోదరి ఇంటికి వెళ్లి గొడవ చేయడంతో కుటుంబసభ్యులు తీవ్రంగా విసిగిపోయినట్లు దర్యాప్తులో వెల్లడైంది. తల్లి లచ్చమ్మ, కుమార్తె కవిత, అల్లుడు శంకర్తో పాటు మరికొందరు కలిసి రాజబాబును మంచానికి కట్టేసి చున్నీతో ఉరేసి హత్య చేసినట్లు పోలీసులు తెలిపారు.
హత్య అనంతరం అదే రోజు రాత్రి మృతదేహాన్ని శంకర్కు చెందిన పొలంలో ఖననం చేసినట్లు వెల్లడించారు. రాజబాబు అదృశ్యంపై జమ్మికుంటలోని ఇంటి యజమాని సత్యనారాయణ మంగళవారం పోలీసులకు ఫిర్యాదు చేయడంతో దర్యాప్తు ప్రారంభమైంది. విచారణలో కుటుంబ కలహాలు, రాజబాబు అదృశ్యానికి సంబంధించిన వివరాలను పోలీసులు సేకరించారు.
దర్యాప్తు కొనసాగించగా హత్యోదంతం వెలుగులోకి వచ్చిందని హుజూరాబాద్ ఏసీపీ మాధవి తెలిపారు. నేరాన్ని అంగీకరించిన ఏడుగురు నిందితులను అదుపులోకి తీసుకున్నామని వెల్లడించారు. మృతదేహాన్ని ఖననం చేసిన ప్రాంతం, హత్యకు ఉపయోగించిన వస్తువులు తదితర అంశాలపై పోలీసులు దర్యాప్తు కొనసాగిస్తున్నారు.
Andhra pradesh Andhrapradesh APNews BreakingNews Breaking news BusinessNews CricketNews CrimeNews EducationNews EntertainmentNews Geopolitics Government Hyderabad India IndianCinema IndiaNews InternationalNews LatestNews MarketUpdate MovieNews News NewsUpdate PoliticalNews shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiMedia ShivaShaktiNews SportsNews StockMarket TechNews Telangana TelanganaNews TeluguCinema TeluguNews Tollywood TrendingNews ViralNews Wellness WorldNews
