ఫిరాయింపుల అంశంపై తెలంగాణ రాజకీయాల్లో మరోసారి మాటల యుద్ధం మొదలైంది. ముఖ్యమంత్రి రేవంత్రెడ్డి అసెంబ్లీలో చేసిన వ్యాఖ్యలకు భారాస నాయకురాలు, మాజీ మంత్రి సబితా ఇంద్రారెడ్డి ఘాటుగా స్పందించారు. పార్టీ ఫిరాయింపుల గురించి మాట్లాడే అర్హత రేవంత్రెడ్డికి లేదని ఆమె వ్యాఖ్యానించారు.
తెలంగాణ భవన్లో గురువారం నిర్వహించిన మీడియా సమావేశంలో సబితా ఇంద్రారెడ్డి మాట్లాడుతూ.. తనను కాంగ్రెస్ పార్టీని వీడే పరిస్థితికి తీసుకొచ్చింది కాంగ్రెస్ నేతలేనని ఆరోపించారు. తాను పార్టీ మారడం వల్లే భట్టి విక్రమార్కకు ప్రధాన ప్రతిపక్ష నేత పదవి పోయిందా? అని ప్రశ్నించారు. భట్టిపై రేవంత్రెడ్డికి అంత ప్రేమ ఉంటే ఆయనకు సీఎం పదవి ఇవ్వాలని వ్యాఖ్యానించారు.
తన రాజకీయ ప్రస్థానాన్ని ప్రస్తావించిన సబిత.. భర్త ఇంద్రారెడ్డి మృతి అనంతరం 2000 సంవత్సరంలో ప్రతిపక్షంలో ఉన్న కాంగ్రెస్లో చేరినట్లు తెలిపారు. కాంగ్రెస్ పార్టీ కోసం తాను చేసిన సేవలు రంగారెడ్డి జిల్లా ప్రజలకు తెలుసన్నారు. తన కుమారుడు కార్తీక్కు టికెట్ ఇప్పించినట్లు రేవంత్రెడ్డి మాట్లాడటం సరికాదని, తాను సీటును త్యాగం చేసిన తర్వాతే ఆయనకు టికెట్ ఇచ్చారని పేర్కొన్నారు.
అసెంబ్లీలో స్పీకర్ తల్లిని అవమానించారంటూ రెండు రోజులపాటు చర్చ జరిపారని సబిత అన్నారు. అయితే మహిళా నేతల గురించి మాట్లాడిన అంశాలపై ఎందుకు చర్చ జరగలేదని ప్రశ్నించారు. శంషాబాద్ విమానాశ్రయం సమీపంలోని బహదూర్గూడ భూములపై రేవంత్రెడ్డికి సరైన అవగాహన లేదని విమర్శించారు.
రంగారెడ్డి జిల్లాలో రేవంత్రెడ్డి ఎక్కడెక్కడ భూములు పోగు చేస్తున్నారో తమకు తెలుసని సబితా ఇంద్రారెడ్డి అన్నారు. తిమ్మాపూర్ భూదాన్ భూములపై విచారణ జరపాలని డిమాండ్ చేశారు. తాను ఎన్నికల్లో తొలిసారి పోటీ చేసినప్పటి నుంచి ఇప్పటివరకు సమర్పించిన అఫిడవిట్లను పరిశీలిస్తే తన ఆస్తులు పెరిగాయా, తగ్గాయా అన్న విషయం స్పష్టమవుతుందని చెప్పారు.
కేసీఆర్ మంత్రివర్గంలో పనిచేసిన సమయంలో ప్రజలపై కేసీఆర్కు ఉన్న ఆర్ద్రతను గమనించానని సబిత తెలిపారు. కేసీఆర్తో కలిసి తెలంగాణ ఉద్యమంలో ఎందుకు పాల్గొనలేకపోయానా అనే బాధ ఇప్పటికీ తనను వెంటాడుతోందని పేర్కొన్నారు. సమావేశంలో భారాస నేతలు సుమిత్రానంద్, హేమ, మమత, షకీలారెడ్డి తదితరులు పాల్గొన్నారు.
Andhra pradesh Andhrapradesh APNews BreakingNews Breaking news BusinessNews CricketNews CrimeNews EducationNews EntertainmentNews Geopolitics Government Hyderabad India IndianCinema IndiaNews InternationalNews LatestNews MarketUpdate MovieNews News NewsUpdate PoliticalNews shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiMedia ShivaShaktiNews SportsNews StockMarket TechNews Telangana TelanganaNews TeluguCinema TeluguNews Tollywood TrendingNews ViralNews Wellness WorldNews
