పట్టణ మౌలిక వసతులను మరింత బలోపేతం చేసేందుకు రహదారులు, పార్కులు, సెంట్రల్ మీడియన్లు, సీనరేజీ వ్యవస్థలు, తాగునీటి వసతులు తదితర పనులను చేపట్టనున్నట్లు సీఎం తెలిపారు. ఇప్పటికే రాష్ట్రవ్యాప్తంగా రూ.22,330 కోట్ల విలువైన పనులు కొనసాగుతున్నాయని, రాబోయే ఆరు నెలల్లో మరో రూ.17 వేల కోట్ల పనులను ప్రారంభించనున్నట్లు వెల్లడించారు.
ప్రస్తుతం చేపడుతున్న, ప్రతిపాదించిన పనులతో కలిపి దాదాపు రూ.50 వేల కోట్ల విలువైన అభివృద్ధి పనులకు ప్రణాళికలు రూపొందించినట్లు చంద్రబాబు తెలిపారు. హైబ్రిడ్ యాన్యుటీ మోడల్ ద్వారా రూ.7,496 కోట్ల విలువైన పనులను చేపడుతున్నట్లు పేర్కొన్నారు.
గ్రేటర్ విశాఖ పరిధిలోనే రూ.3,890 కోట్ల విలువైన అభివృద్ధి పనులు చేపట్టనున్నట్లు సీఎం తెలిపారు. పట్టణ ప్రాంతాలను ఆర్థికాభివృద్ధికి ప్రధాన కేంద్రాలుగా తీర్చిదిద్దాల్సిన అవసరం ఉందన్నారు. ప్రజలకు మెరుగైన మౌలిక వసతులు అందించడంతో పాటు స్థానిక ఆర్థిక కార్యకలాపాలను పెంచేలా చర్యలు తీసుకోవాలని సూచించారు.
రిజర్వాయర్ల ద్వారా నీటిని నిల్వ చేసుకునే కార్యక్రమాలను కూడా చేపడుతున్నట్లు చంద్రబాబు తెలిపారు. పట్టణ ప్రాంతాల్లో అభివృద్ధి పనులను వేగంగా పూర్తి చేయడంతో పాటు ప్రజాప్రతినిధులు, మున్సిపల్ కమిషనర్లు, అధికారులు సమన్వయంతో పనిచేయాలని సూచించారు.
2027 నాటికి రాష్ట్రంలోని టిడ్కో గృహాల నిర్మాణాన్ని పూర్తి చేస్తామని చంద్రబాబు ప్రకటించారు. విశాఖలో 28,500 కుటుంబాలకు ఇళ్ల పట్టాలు ఇచ్చామని తెలిపారు. ఎలాంటి అభ్యంతరాలు లేని ప్రాంతాల్లో అర్హులకు ఇళ్ల పట్టాలు ఇచ్చేందుకు ప్రభుత్వం సిద్ధంగా ఉందన్నారు.
2047 నాటికి రాష్ట్రంలోని ప్రతి మున్సిపాలిటీని ‘స్వర్ణ మున్సిపాలిటీ’గా తీర్చిదిద్దే లక్ష్యంతో ముందుకు సాగుతున్నట్లు సీఎం పేర్కొన్నారు. పట్టణాలు రాష్ట్ర ఆర్థిక వ్యవస్థకు గ్రోత్ ఇంజిన్లుగా మారాలని ఆకాంక్షించారు.
అనంతరం గుండిశెట్టిపల్లె వద్ద హంద్రీనీవా జలాలకు సీఎం చంద్రబాబు జలహారతి ఇచ్చారు. గంగమ్మకు పసుపు, కుంకుమ సమర్పించారు. ముఖ్యమంత్రి కార్యక్రమాన్ని తిలకించేందుకు పెద్ద సంఖ్యలో ప్రజలు తరలివచ్చారు.
Andhra pradesh Andhrapradesh APNews BreakingNews Breaking news BusinessNews CricketNews CrimeNews EducationNews EntertainmentNews Geopolitics Government Hyderabad India IndianCinema IndiaNews InternationalNews LatestNews MarketUpdate MovieNews News NewsUpdate PoliticalNews shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiMedia ShivaShaktiNews SportsNews StockMarket TechNews Telangana TelanganaNews TeluguCinema TeluguNews Tollywood TrendingNews ViralNews Wellness WorldNews
