బ్యాంకుల సమ్మె నేపథ్యంలో ఖాతాదారులకు ఊరట కల్పిస్తూ ప్రభుత్వరంగ బ్యాంకులు కీలక నిర్ణయం తీసుకున్నాయి. ఈనెల 28 నుంచి 30 వరకు సమ్మె కొనసాగనున్న నేపథ్యంలో.. ఈ మూడు రోజుల్లో దేశవ్యాప్తంగా ఏ బ్యాంకు ఏటీఎం నుంచి నగదు ఉపసంహరించుకున్నా ఎలాంటి లావాదేవీ రుసుము వసూలు చేయబోమని ఎస్బీఐ సహా ప్రభుత్వరంగ బ్యాంకులు తెలిపాయి. దీంతో సమ్మె సమయంలో నగదు అవసరమైన ఖాతాదారులు ఏటీఎంలను వినియోగించుకోవచ్చు.
వారంలో ఐదు రోజుల పని దినాలు కల్పించాలన్న డిమాండ్తో బ్యాంకు ఉద్యోగులు సమ్మెకు పిలుపునిచ్చారు. సమ్మె కారణంగా శాఖల్లో సేవలకు అంతరాయం కలిగే అవకాశం ఉండటంతో.. అత్యవసర పనులు ఉన్న ఖాతాదారులు ఈనెల 27న బ్యాంకు శాఖలను సంప్రదించాలని సూచించారు. ఆ రోజున బ్యాంకు శాఖలు పనిచేయనున్నాయి.
సమ్మె రోజుల్లో నగదు ఉపసంహరణకు ఏటీఎంలు, కస్టమర్ సర్వీస్ పాయింట్లను ఉపయోగించుకోవాలని బ్యాంకులు సూచించాయి. నగదు బదిలీలు, చెల్లింపుల కోసం యూపీఐ, ఇంటర్నెట్ బ్యాంకింగ్, మొబైల్ బ్యాంకింగ్, వాట్సప్ బ్యాంకింగ్, ఐఎంపీఎస్, నెఫ్ట్, ఆర్టీజీఎస్ వంటి డిజిటల్ సేవలను వినియోగించుకోవచ్చని పేర్కొన్నాయి.
ఇదిలా ఉండగా.. అక్టోబరు 1 నుంచి ఎస్బీఐ ఖాతాదారులకు ఇతర బ్యాంకుల ఏటీఎంల వినియోగంపై కొత్త ఛార్జీలు అమల్లోకి రానున్నాయి. వేతన ఖాతాదారులకు ఇతర బ్యాంకుల ఏటీఎంలలో ప్రస్తుతం ఉన్న 10 ఉచిత లావాదేవీల పరిమితిని 5కు తగ్గించనుంది. ఆ పరిమితి దాటిన తర్వాత నగదు ఉపసంహరణకు రూ.23తో పాటు జీఎస్టీ, ఇతర లావాదేవీలకు రూ.11తో పాటు జీఎస్టీ వసూలు చేయనుంది.
Andhra pradesh Andhrapradesh APNews BreakingNews Breaking news BusinessNews CricketNews CrimeNews Crime News EducationNews EntertainmentNews Geopolitics Government Hyderabad India IndianCinema IndiaNews InternationalNews LatestNews MarketUpdate MovieNews News NewsUpdate PoliticalNews shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiNews SportsNews StockMarket TechNews Telangana TelanganaNews TeluguCinema TeluguNews Tollywood TrendingNews ViralNews Wellness WorldNews
