ఒడిశాలోని నువాపడాకు చెందిన మహమ్మద్ బషీర్ (22) కాకినాడ జిల్లా గండేపల్లి మండలం సూరంపాలెంలోని ఒక ప్రైవేట్ కళాశాలలో ఎంబీఏ చదువుతున్నాడు. చదువుపై శ్రద్ధ పెట్టాల్సిన వయసులో దురదృష్టవశాత్తూ ఆన్లైన్ గేమ్స్కు బానిసయ్యాడు. ఆటల్లో డబ్బులు పోగొట్టుకోవడమే కాకుండా, వాటిని భర్తీ చేసేందుకు వివిధ లోన్ యాప్స్ ద్వారా భారీగా అప్పులు చేశాడు. తీసుకున్న అప్పులు తీర్చే మార్గం కనిపించక, అప్పులవాళ్ల ఒత్తిడి తట్టుకోలేక తీవ్ర మనస్తాపానికి గురయ్యాడు. ఈ క్రమంలోనే గురువారం తన హాస్టల్ గదిలో ఫ్యాన్కు ఉరేసుకుని బలవన్మరణానికి పాల్పడ్డాడు.
బషీర్ తల్లిదండ్రులు షమీర్ఖాన్, పర్వీన్ బేగమ్లు చిన్నపాటి వ్యాపారాలు చేస్తూ కొడుకును ప్రయోజకుడిని చేయాలనుకున్నారు. చిన్నప్పటి నుంచి అనకాపల్లి జిల్లా వడ్డాది మాడుగులలోని అమ్మమ్మ వద్ద ఉండి చదువుకున్న బషీర్, ఉన్నత చదువుల కోసం ఇక్కడికి వచ్చాడు. చనిపోయే ముందు అతను రాసిన ఆత్మహత్య లేఖ ప్రతి ఒక్కరినీ కంటతడి పెట్టిస్తోంది. “అమ్మా సారీ, నిన్ను చాలా ఇబ్బంది పెట్టాను. చిన్నప్పటి నుంచి నా జీవితం సరిగా లేదు. ఇప్పుడు నేను బతికున్నా నీకు భారంగా ఉన్నట్టు అనిపిస్తోంది. నన్ను క్షమించు.. నేను నీకు మంచి కొడుకుగా ఉండలేకపోయాను” అంటూ ఆ లేఖలో తన ఆవేదనను వ్యక్తం చేశాడు. పోలీసులు కేసు నమోదు చేసి దర్యాప్తు చేస్తున్నారు.
Andhra pradesh Andhrapradesh AndhraPradeshNews APDevelopment APNews APPolitics Breaking news BreakingNews Business BusinessNews ChandrababuNaidu CricketFans CricketNews CrimeNews Entertainment Geopolitics Government India IndiaNews LawAndOrder Movies Naralokesh News news24 newsalert NewsToday NewsUpdate PoliticalNews PublicSafety shivasakthi ShivasakthiDigital shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates SportsNews Telangana TelanganaNews TeluguCinema TeluguNews ViralNews WorldNews
