Andhra Pradesh విద్యుత్ గ్రిడ్ గురువారం సరికొత్త రికార్డు నమోదు చేసింది. మధ్యాహ్నం 2.50 గంటల సమయంలో రాష్ట్ర గ్రిడ్ డిమాండ్ 15,016 మెగావాట్లకు చేరుకుని చరిత్రలోనే అత్యధిక స్థాయిని నమోదు చేసింది.కొన్ని రోజులుగా తీవ్ర ఎండలు, వేడిగాలుల ప్రభావంతో ప్రజలు ఏసీలు, కూలర్లు, ఫ్యాన్ల వినియోగాన్ని భారీగా పెంచడంతో విద్యుత్ వినియోగం అమాంతం పెరిగింది. గురువారం 20 జిల్లాల్లోని 200 మండలాల్లో 44 డిగ్రీలకు పైగా ఉష్ణోగ్రతలు నమోదయ్యాయి.
గ్రిడ్పై భారీ ఒత్తిడి పెరగడంతో ఫ్రీక్వెన్సీ పడిపోకుండా అధికారులు ప్రత్యామ్నాయ మార్గాల్లో విద్యుత్ను సర్దుబాటు చేశారు. సాయంత్రానికి డిమాండ్ క్రమంగా తగ్గుతూ 10,800 మెగావాట్లకు చేరింది.గత నాలుగు రోజులుగా రాష్ట్రంలో విద్యుత్ డిమాండ్ 14 వేల మెగావాట్లకు పైగానే నమోదవుతోంది. బుధవారం 14,358 మెగావాట్ల డిమాండ్ నమోదై రికార్డు సృష్టించగా, మరుసటి రోజే అది మరింత పెరిగింది.
ఇదే సమయంలో హిందుజా, వీటీపీఎస్ థర్మల్ యూనిట్లలో సాంకేతిక లోపాల కారణంగా విద్యుత్ ఉత్పత్తి నిలిచిపోయింది. దీంతో అధికారులు బహిరంగ మార్కెట్ నుంచి సుమారు 3,000 మెగావాట్ల విద్యుత్ కొనుగోలు చేసి పరిస్థితిని అదుపులో ఉంచారు.ఏపీ జెన్కో థర్మల్ యూనిట్లు, సెంట్రల్ జనరేటింగ్ స్టేషన్లు, ఐపీపీలతో పాటు సౌర, పవన, జల విద్యుత్ సహకారంతో గ్రిడ్ ఫ్రీక్వెన్సీ స్థిరంగా ఉండేలా చర్యలు తీసుకున్నారు.
Andhra pradesh Andhrapradesh APNews BreakingNews Breaking news BusinessNews ChandrababuNaidu CricketNews CrimeNews EntertainmentNews Geopolitics governance Government India IndiaNews LatestNews LawAndOrder MarketUpdate News news24 newsalert NewsToday NewsUpdate PoliticalNews PublicSafety shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiMedia ShivaShaktiNews SportsNews Telangana TelanganaNews TeluguCinema TeluguNews Tollywood TrendingNews TrendingNow ViralNews WorldNews
