ఇప్పటివరకు ఐపీఎల్ 2026 సీజన్లో ఎంఎస్ ధోని ఒక్క మ్యాచ్ ఆడలేదు. ఇక రోహిత్ శర్మ మొదట్లో కనిపించినా.. గాయం వల్ల గత నాలుగు మ్యాచులకు దూరమైన సంగతి తెలిసిందే. ఇవాళ చెపాక్ వేదికగా సీఎస్కే, ముంబయి మ్యాచ్ జరగనుంది. ఈ ఇద్దరు స్టార్ క్రికెటర్లు కలిసిన వీడియోలు వైరల్గా మారాయి. వారితోపాటు సూర్యకుమార్ యాదవ్ జత కలిశాడు. ఈ క్రమంలో ధోని, రోహిత్ బరిలోకి దిగుతారా? లేదా? అనేది అభిమానుల్లో నెలకొన్న సందేహాలను ఆయా జట్ల కోచ్లు నివృత్తి చేశారు. ముంబయి ప్రధాన కోచ్ మహేల జయవర్థనె, చెన్నై సూపర్ కింగ్స్ బ్యాటింగ్ కోచ్ మైక్ హస్సీ స్పందించారు.
ధోని విషయంలో..
‘‘ఎంఎస్ ధోని బాగున్నాడు. తప్పకుండా మ్యాచులు ఆడతాడు. అయితే, ఇవాళ ముంబయితో బరిలోకి దిగుతాడా? అనేది ఇప్పుడే చెప్పలేను. గాయం నుంచి కోలుకుంటున్న తీరు బాగుంది. అతడి బ్యాటింగ్, కీపింగ్ నైపుణ్యంపై మాకు ఎలాంటి అనుమానం లేదు. ఇప్పటికీ అతడికి మంచి రన్నింగ్ పవర్ ఉంది’’ అని బ్యాటింగ్ కోచ్ మైక్ హస్సీ తెలిపాడు. 44ఏళ్ల ధోని దాదాపు ప్రతి మ్యాచ్ సమయంలోనూ ప్రాక్టీస్ చేస్తూ కనిపించాడు. అయితే, గాయం తిరగబెట్టడంతో కొన్ని మ్యాచులకు దూరమవుతాడని ఐపీఎల్ ప్రారంభానికి కొన్ని రోజుల ముందే సీఎస్కే ప్రకటించడంతో అభిమానులు తీవ్ర నిరుత్సాహానికి గురయ్యారు.
మెడికల్ టీమ్ నిర్ణయంపై..
‘‘రోహిత్ శర్మ గాయం నుంచి కోలుకున్నాడు. అందుకోసం చాలా కష్టపడ్డాడు. రోజూ మెడికల్ టీమ్ పర్యవేక్షిస్తోంది. మ్యాచ్ సమయానికి ఎలా ఉంటాడనేది గమనిస్తాం. అప్పుడు నిర్ణయం తీసుకుంటాం. అతడి విషయంలో మెడికల్ టీమ్ ఏం చెబితే అదే పాటిస్తాం’’ అని ముంబయి ఇండియన్స్ ప్రధాన కోచ్ మహేల జయవర్థనె వెల్లడించాడు.
ప్రస్తుతం పాయింట్ల పట్టికలో సీఎస్కే ఏడో స్థానంలో ఉంది. 8 మ్యాచులు ఆడిన చెన్నై మూడు విజయాలను నమోదు చేసింది. ఇక ముంబయి ఇండియన్స్ పరిస్థితి మరీ ఘోరంగా ఉంది. ముంబయి 8 మ్యాచులు ఆడి కేవలం రెండింట్లో గెలిచింది. పాయింట్ల పట్టికలో 9వ స్థానంలో కొనసాగుతోంది. ప్లేఆఫ్స్ రేసులో నిలవాలంటే ఇరుజట్లకూ ప్రతి మ్యాచ్ కీలకమే.
Andhra pradesh Andhrapradesh APNews BreakingNews Breaking news BusinessNews CricketNews CrimeNews EducationNews EntertainmentNews Geopolitics Government India IndianCinema IndiaNews InternationalNews LatestNews MarketUpdate MovieNews News NewsToday NewsUpdate PoliticalNews PublicSafety shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiMedia ShivaShaktiNews SportsNews StockMarket TechNews Telangana TelanganaNews TeluguCinema TeluguNews Tollywood TrendingNews ViralNews WorldNews
