భద్రాద్రి కొత్తగూడెం జిల్లా అశ్వారావుపేట మండలంలో జరిగిన ఘోర రోడ్డు ప్రమాదం రెండు కుటుంబాల్లో తీరని విషాదాన్ని నింపింది. పెళ్లి భాజాల మోత మోగాల్సిన ఇంట్లో చావు డప్పు వినిపించింది. బావ, బావమరుదులు ఇద్దరూ ఒకే ప్రమాదంలో ప్రాణాలు కోల్పోవడంతో వారి స్వగ్రామం తాటిరామన్నగూడెం శోకసంద్రంలో మునిగిపోయింది.
పోలీసులు తెలిపిన వివరాల ప్రకారం.. ఏపీలోని ఏలూరు జిల్లా జీలుగుమిల్లి మండలానికి చెందిన మడకం సంతోష్ (19), “పండు సందీప్ (20)”లు బావబావమరుదులు. సంతోష్ సోదరితో సందీప్కు ఇటీవల నిశ్చితార్థం జరిగింది. వీరిద్దరూ కలిసి అశ్వారావుపేట మండలం చిచ్చోడిగుంపులో బంధువుల శుభకార్యానికి హాజరై, తిరిగి బైక్పై స్వగ్రామానికి బయలుదేరారు. అయితే గాండ్లగూడెం శివారులో వీరు ప్రయాణిస్తున్న బైక్ను ఎదురుగా వస్తున్న లారీ బలంగా ఢీకొట్టింది. ఈ ప్రమాదంలో ఇద్దరికీ తీవ్ర గాయాలవ్వడంతో అక్కడికక్కడే మృతి చెందారు.
వ్యవసాయ కూలి పనులు చేస్తూ తమ కుటుంబాలకు చేదోడు వాదోడుగా ఉంటున్న ఇద్దరు యువకులు ఇలా అర్థాంతరంగా తనువు చాలించడం అందరినీ కలిచివేసింది. సంతోష్ సోదరిని సందీప్ ఏడాదిగా ప్రేమిస్తుండగా, పెద్దలు వీరి వివాహానికి పచ్చజెండా ఊపారు. త్వరలోనే పెళ్లి పీటలు ఎక్కాల్సిన వారు మృత్యుఒడికి చేరడంతో బంధువుల రోదనలు మిన్నంటాయి. ఎస్సై అఖిల ఘటనా స్థలిని పరిశీలించి, కేసు నమోదు చేసి దర్యాప్తు చేస్తున్నారు.
Andhra pradesh Andhrapradesh AndhraPradeshNews APNews APPolitics Breaking news BreakingNews Business BusinessNews ChandrababuNaidu CricketNews Crime Geopolitics Government India IndiaNews LawAndOrder Movies Naralokesh News news24 newsalert NewsToday NewsUpdate PoliticalNews PublicSafety shivasakthi ShivasakthiDigital shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiMedia ShivaShaktiNews ShivaShaktiUpdates SportsNews Telangana TelanganaNews TeluguNews TrendingNow ViralNews WorldNews
