ఒవైసీకి చెందిన ఫాతిమా విద్యాసంస్థలపై హైకోర్టు ప్రశ్నలు సంధిస్తున్నప్పటికీ ప్రభుత్వం వివరణ ఇవ్వకుండా ఎందుకు జాప్యం చేస్తోందని కేంద్ర హోంశాఖ సహాయ మంత్రి బండి సంజయ్ ప్రశ్నించారు. ఈ అంశంపై రాష్ట్ర ప్రభుత్వ వైఖరిపై ఆయన తీవ్ర విమర్శలు చేశారు.
ఆదివారం విడుదల చేసిన ప్రకటనలో బండి సంజయ్ మాట్లాడుతూ, గండిపేట ఎఫ్టీఎల్ పరిధిలో ఉన్న విద్యాసంస్థలపై నోటీసులు జారీ చేస్తున్నప్పటికీ ఫాతిమా విద్యాసంస్థల విషయంలో మాత్రం ప్రభుత్వం ఎందుకు మౌనం వహిస్తోందని ప్రశ్నించారు. ఒకరికో న్యాయం, మరొకరికో న్యాయం అనే పరిస్థితి ఎందుకు వస్తోందని ఆయన నిలదీశారు.
అక్బరుద్దీన్ ఒవైసీ కాంగ్రెస్ అండతోనే హైకోర్టును బెదిరించేలా హద్దులు మీరి మాట్లాడుతున్నారని సంజయ్ ఆరోపించారు. ప్రభుత్వం ఈ వ్యవహారంపై స్పష్టమైన వైఖరి ప్రకటించాల్సిన అవసరం ఉందని ఆయన పేర్కొన్నారు.
భాజపా అధికారంలోకి వస్తే అక్రమాలు, అవినీతిపై కఠిన చర్యలు తీసుకుంటామని, ఫాతిమా విద్యాసంస్థల వంటి అక్రమ నిర్మాణాలను కూల్చివేస్తామని బండి సంజయ్ హెచ్చరించారు. అక్రమార్కులకు భయమంటే ఏమిటో చూపిస్తామని ఆయన వ్యాఖ్యానించారు.
ప్రభుత్వం తక్షణమే స్పందించి హైకోర్టు ప్రశ్నలకు సమాధానం ఇవ్వాలని, చట్టం అందరికీ సమానంగా అమలు కావాలని ఆయన డిమాండ్ చేశారు.
Andhra pradesh Andhrapradesh APNews BreakingNews Breaking news BusinessNews CricketNews CrimeNews EducationNews EntertainmentNews Geopolitics Government India IndianCinema IndiaNews InternationalNews LatestNews MarketUpdate MovieNews News NewsToday NewsUpdate PoliticalNews PublicSafety shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiMedia ShivaShaktiNews SportsNews StockMarket TechNews Telangana TelanganaNews TeluguCinema TeluguNews Tollywood TrendingNews ViralNews WorldNews
