భారత్లో త్వరలో ఎగిరే కార్లకు మార్గం సుగమం కానుంది. జపాన్కు చెందిన ఫ్లైయింగ్ కార్ల తయారీ సంస్థ స్కైడ్రైవ్ 2028 కల్లా భారత్లో తన ఈవీటీఓఎల్ వాహనాలను వాణిజ్య కార్యకలాపాల్లోకి తీసుకురావాలని భావిస్తోంది. తొలుత వైద్య అవసరాలకు ఈ వాహనాలను వినియోగించి, ఆ తర్వాత ప్రయాణికుల కోసం ఎయిర్ట్యాక్సీ సేవలను ప్రారంభించాలని సంస్థ ప్రణాళిక రూపొందిస్తోంది.
స్కైడ్రైవ్ వ్యవస్థాపకుడు, సీఈఓ తొమొహిరో మాట్లాడుతూ.. అవయవ మార్పిడి సమయంలో అవయవాలను వేగంగా ఆసుపత్రులకు తరలించడం అత్యంత కీలకమని తెలిపారు. ఈ నేపథ్యంలో భారత్లో వైద్య లాజిస్టిక్స్ కోసం తమ ఈవీటీఓఎల్ వాహనాలను వినియోగించే దిశగా ఎయిరిండియా, సుజుకీతో ఒప్పందాలు కుదుర్చుకున్నట్లు వెల్లడించారు.
ఈవీటీఓఎల్ అంటే ఎలక్ట్రిక్ వర్టికల్ టేక్ఆఫ్ అండ్ ల్యాండింగ్ వాహనాలు. వీటికి సాధారణ విమానాల మాదిరిగా రన్వే అవసరం ఉండదు. నిలువుగా పైకి ఎగరడం, అదే విధంగా కిందకు దిగడం వీటి ప్రత్యేకత. పూర్తిగా విద్యుత్ ఆధారంగా పనిచేసే ఈ చిన్న విమానాలపై ఇప్పటికే పలు పరీక్షలు నిర్వహించినట్లు కంపెనీ తెలిపింది.
ఈ వాహనాలు గంటకు సుమారు 100 కిలోమీటర్ల వేగంతో ప్రయాణించగలవని, ఇప్పటివరకు 300కు పైగా పరీక్షా ప్రయాణాలను విజయవంతంగా పూర్తి చేశామని సంస్థ వెల్లడించింది. ప్రస్తుతం సర్టిఫికేషన్ ప్రక్రియ కొనసాగుతోందని, రానున్న రెండేళ్లలో జపాన్తో పాటు భారత్లోనూ వాణిజ్య కార్యకలాపాలను ప్రారంభించాలని లక్ష్యంగా పెట్టుకున్నట్లు సీఈఓ తెలిపారు.
భారత్లో తయారీకి ప్రణాళిక :
జపాన్లో ఫ్లైయింగ్ కార్ల తయారీ కోసం స్కైడ్రైవ్ సుజుకీతో భాగస్వామ్యం కుదుర్చుకుంది. భవిష్యత్లో భారత్లోనూ ఈ వాహనాలను తయారు చేయాలని సంస్థ భావిస్తోంది. భారత్లో ఉత్పత్తి కేంద్రం ఏర్పాటు చేసి పశ్చిమాసియా, ఆఫ్రికా దేశాలకు ఇక్కడి నుంచి ఎగుమతులు చేయాలని ప్రణాళిక రూపొందిస్తోంది.
స్కైడ్రైవ్కు ఇప్పటికే 450 ప్రీఆర్డర్లు వచ్చినట్లు సీఈఓ తెలిపారు. ఇందులో 50 ప్రీఆర్డర్లు భారత్ నుంచే వచ్చినట్లు వెల్లడించారు. తొలుత వైద్య సేవలకు ప్రాధాన్యం ఇచ్చి, అనంతరం సాధారణ ప్రయాణికులను తరలించే ఎయిర్ట్యాక్సీ సేవల వైపు అడుగులు వేయనున్నట్లు సంస్థ తెలిపింది.
Andhra pradesh Andhrapradesh APNews BreakingNews Breaking news BusinessNews CricketNews CrimeNews EducationNews EntertainmentNews Geopolitics Government Hyderabad India IndianCinema IndiaNews InternationalNews LatestNews MarketUpdate MovieNews News NewsToday NewsUpdate PoliticalNews shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiMedia ShivaShaktiNews SportsNews StockMarket TechNews Telangana TelanganaNews TeluguCinema TeluguNews Tollywood TrendingNews ViralNews WorldNews
