కరీంనగర్లోని నగల దుకాణంలో ఈ నెల 3న జరిగిన కిలోన్నర బంగారం దోపిడీ కేసులో పోలీసులు దర్యాప్తును మరింత వేగవంతం చేశారు. ఇప్పటికే లభించిన ప్రాథమిక ఆధారాల ప్రకారం, బిహార్కు చెందిన ఐదుగురు సభ్యుల దొంగల ముఠా ఈ నెల 1న ధర్మపురిలోని ఓ ప్రైవేట్ లాడ్జిలో గదిని అద్దెకు తీసుకుని అక్కడే మకాం వేసినట్లు గుర్తించారు. అక్కడి నుంచి కరీంనగర్కు వచ్చి పలు రోజుల పాటు రెక్కీ నిర్వహించి, దుకాణం పని విధానం, సీసీ కెమెరాల కోణాలు, సిబ్బంది రాకపోకలు అన్నింటినీ గమనించి పక్కా ప్రణాళికతో చోరీకి పాల్పడినట్లు పోలీసులు భావిస్తున్నారు.
దొంగలు వినియోగించిన రెండు ద్విచక్ర వాహనాల్లో ఒకటైన పల్సర్ బైక్ను మంగళవారం ఉదయం ధర్మపురి పుష్కర ఘాట్ సమీపంలో పోలీసులు గుర్తించారు. ఈ బైక్ను అక్కడే వదిలేసి, నడుచుకుంటూ నది దాటి పరారైనట్లు అనుమానం వ్యక్తమవుతోంది. ఈ క్రమంలో గోదావరి నది దాటే మార్గాలు, పడవ సర్వీసులు, స్థానికుల సమాచారాన్ని పోలీసులు సేకరిస్తున్నారు.
దర్యాప్తు భాగంగా సమీప ప్రాంతాల్లోని సీసీ కెమెరా దృశ్యాలను పరిశీలిస్తూ, దొంగల కదలికలను ట్రాక్ చేయడానికి ప్రత్యేక బృందాలను ఏర్పాటు చేశారు. అలాగే లాడ్జ్ రిజిస్టర్ వివరాలు, మొబైల్ ఫోన్ కాల్ డేటా, టవర్ లొకేషన్ ఆధారంగా ముఠా సభ్యుల కదలికలను విశ్లేషిస్తున్నారు. రాష్ట్ర సరిహద్దులు దాటి వెళ్లే అవకాశం ఉన్నందున పొరుగు రాష్ట్రాల పోలీసులకు కూడా అలర్ట్ జారీ చేశారు.
Andhra pradesh Andhrapradesh AndhraPradeshNews APNews Breaking news BreakingNews BusinessNews ChandrababuNaidu CricketNews CrimeNews EntertainmentNews Geopolitics governance Government India IndiaNews LatestNews LawAndOrder News news24 newsalert NewsToday NewsUpdate PoliticalNews PoliticalUpdate PublicSafety shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiMedia ShivaShaktiNews SportsNews Telangana TelanganaNews TeluguNews Tollywood TrendingNews TrendingNow ViralNews WorldNews
