శ్రీకాకుళం: భవిష్యత్తులో గొప్ప ఆశలు పెట్టుకున్న 17 ఏళ్ళ గిరిజన బాలికను ఓ సివిల్ ఇంజినీర్ వెంకటరమణ దారుణానికి ఒడిగట్టాడు. తల్లిదండ్రుల నమ్మకాన్ని దోచుకుని “మీ కుమార్తెకు పాఠాలు చెప్పిస్తాను” అని చెప్పి, బాలికను ఒంటరిగా తీసుకెళ్ళి అత్యాచారం చేసి హతం చేశాడు.
బాలిక విజయనగరం జిల్లా శృంగవరపుకోటలోని ప్రైవేట్ కళాశాలలో ఇంటర్ ప్రథమ సంవత్సరం చదువుతోంది. ఇటీవల పరీక్షలు పూర్తి చేసి ఇంటికి వచ్చి, భవిష్యత్తుపై తల్లిదండ్రుల ఆశల మధ్య ఉంటుండగా, వెంకటరమణ ఆమెను శ్రీకాకుళం తీసుకురావాలని చెప్పాడు. తల్లిదండ్రులు నమ్మకంతో ఆమెను అందించారు.
తర్వాత వెంకటరమణ బాలికను విశాఖలోని నిర్మానుష్య ప్రాంతానికి తీసుకెళ్లి పలుమార్లు అత్యాచారం చేసి, పైశాచికంగా దాడి చేశాడు. తల్లిదండ్రులకు “మీ కుమార్తె అనారోగ్యంతో ఉంది” అని తెలియజేసి, తరువాత ఆమె చనిపోయిందని, ఈ విషయం బయటకు చెప్పకుండా దహన సంస్కారాలు నిర్వహించండి. మీకు డబ్బు ఇస్తాను’ అని తల్లిదండ్రులపై ఒత్తిడి తీసుకొచ్చాడు.
కొనఊపిరితో ఉన్న కుమార్తెను వారు శ్రీకాకుళం గ్రామీణ మండలం రాగోలు వద్ద ఉన్న ఓ ప్రైవేటు ఆసుపత్రికి తీసుకెళ్లారు. పరీక్షించిన వైద్యులు బాలిక మృతి చెందినట్లు ధ్రువీకరించారు. మృతదేహాన్ని పోస్టుమార్టం కోసం శ్రీకాకుళంలోని ప్రభుత్వ సర్వజనాసుపత్రికి బుధవారం తీసుకొచ్చారు. ‘చదువు చెబుతానంటే నమ్మి పంపించాం. మా బిడ్డను చంపేశాడు. నిందితుడిని కఠినంగా శిక్షించండి. న్యాయం చేయండి’ అని ఆ తల్లిదండ్రులు కన్నీరుమున్నీరయ్యారు. వారి ఫిర్యాదు ఆధారంగా హిరమండలం ఎస్సై వి.హేమంత్ కేసు నమోదు చేసి దర్యాప్తు ప్రారంభించారు.
Andhra pradesh Andhrapradesh APNews BreakingNews Breaking news BusinessNews CricketNews CrimeNews EducationNews EntertainmentNews Geopolitics Government Hyderabad India IndianCinema IndiaNews InternationalNews LatestNews MarketUpdate MovieNews News NewsToday NewsUpdate PoliticalNews shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiMedia ShivaShaktiNews SportsNews StockMarket TechNews Telangana TelanganaNews TeluguCinema TeluguNews Tollywood TrendingNews ViralNews WorldNews
