పురపాలక ఎన్నికల ఓట్ల లెక్కింపు ఉత్కంఠభరితంగా సాగింది. పలు వార్డుల్లో గెలుపోటములు దోబూచులాడడంతో అభ్యర్థులు రీకౌంటింగ్కు పట్టుబట్టారు. అధికారులు తిరిగి లెక్కింపు చేపట్టగా, అనేక చోట్ల ఒక్క ఓటు తేడాతో ఫలితాలు తేలడం సంచలనంగా మారింది.
మిర్యాలగూడలో ఉత్కంఠ
మిర్యాలగూడ18వ వార్డులో మొత్తం 1,711 ఓట్లు పోలయ్యాయి. కాంగ్రెస్ అభ్యర్థి బూడిద సైదులకు 837 ఓట్లు, భారాస అభ్యర్థి వినోద్కుమార్కు 836 ఓట్లు వచ్చాయి. రీకౌంటింగ్లోనూ అదే ఫలితం రావడంతో సైదులు ఒక్క ఓటుతో గెలుపొందారు.
పరకాలలో పోస్టల్ ఓట్ల ట్విస్ట్
పరకాల మున్సిపాలిటీ 17వ వార్డులో 836 ఓట్లు పోలయ్యాయి. కాంగ్రెస్ అభ్యర్థి సుభద్రకు 366 ఓట్లు, భారాస అభ్యర్థి రజనికి 368 ఓట్లు వచ్చాయి. అయితే మూడు పోస్టల్ ఓట్లు మొత్తం సుభద్రకే పడటంతో ఆమె ఒక్క ఓటు తేడాతో విజయం సాధించారు. రీకౌంటింగ్లోనూ అదే ఫలితం నిలిచింది
గద్వాలలో ఒక్క ఓటు ఆధిక్యం
Gadwal పురపాలిక 8వ వార్డులో కాంగ్రెస్ అభ్యర్థి వెంకటమ్మకు 465 ఓట్లు, భారాస అభ్యర్థి జయమ్మకు 464 ఓట్లు రావడంతో వెంకటమ్మ విజయం సాధించారు.
కొల్లాపూర్, కల్వకుర్తిలోనూ అదే పరిస్థితి
కొల్లాపూర్ 2వ వార్డులో కాంగ్రెస్ అభ్యర్థి జయలక్ష్మి భారాస అభ్యర్థి పద్మపై ఒక్క ఓటుతో గెలిచారు.
కల్వకుర్తి 10వ వార్డులో కాంగ్రెస్ అభ్యర్థి ఎజాస్ 259 ఓట్లతో, భారాస అభ్యర్థి తాహెర్ 258 ఓట్లతో ఉండగా ఎజాస్ ఒక్క ఓటు ఆధిక్యంతో విజయం సాధించారు. ఇక్కడ ఇండిపెండెంట్ అభ్యర్థికి 229, భాజపాకు 161, ఎంఐఎంకు ఒక్క ఓటు లభించింది.
రామగుండంలో సమాన ఓట్లు – చెల్లని ఓట్లతో మలుపు
రామగుండంనగరపాలిక 59వ డివిజన్లో రీకౌంటింగ్ అనంతరం కాంగ్రెస్ అభ్యర్థి ఖాజాసనాకు, ఏఐఎఫ్బీ అభ్యర్థి బాలసాని తిరుపతికి సమాన ఓట్లు వచ్చాయి. చెల్లని ఓట్లుగా పక్కన పెట్టిన నాలుగు ఓట్లను పరిశీలించగా రెండు చెల్లుబాటవుతాయని తేలింది. దీంతో తిరుపతి రెండు ఓట్ల తేడాతో విజయం సాధించారు.ఈ ఎన్నికల్లో ప్రతి ఓటు విలువ ఎంత ముఖ్యమో మరోసారి రుజువైంది. పోస్టల్ ఓట్లు, చెల్లని ఓట్ల పరిశీలన, రీకౌంటింగ్ ప్రక్రియలు ఫలితాలను పూర్తిగా మార్చేశాయి. అభ్యర్థులు, పార్టీల ప్రతినిధులు లెక్కింపు కేంద్రాల వద్ద తీవ్ర ఉత్కంఠకు లోనయ్యారు. కొన్ని చోట్ల మద్దతుదారులు ఆనందోత్సాహాలు వ్యక్తం చేశారు.
Andhra pradesh Andhrapradesh APNews APPolitics Breaking news BreakingNews BusinessNews ChandrababuNaidu CricketNews CrimeNews Geopolitics governance Government India IndiaNews LatestNews LawAndOrder Movies News news24 newsalert NewsToday NewsUpdate PoliticalNews PoliticalUpdate PublicSafety shivasakthi ShivasakthiDigital shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiMedia ShivaShaktiNews ShivaShaktiUpdates SportsNews Telangana TelanganaNews TeluguNews TrendingNow ViralNews WorldNews
