హోటళ్లు, ఎయిర్పోర్టులు, పర్యాటక ప్రాంతాల్లో అందుబాటులో ఉండే ఉచిత వైఫైని ఉపయోగించే ప్రయాణికులకు సైబర్ ముప్పు పొంచి ఉందని మైక్రోసాఫ్ట్ థ్రెట్ ఇంటెలిజెన్స్ హెచ్చరించింది. ‘క్యాప్టివ్ క్రంచ్’ పేరుతో జరుగుతున్న దాడుల్లో నకిలీ లాగిన్ పేజీలు, అప్డేట్ నోటిఫికేషన్లను ఉపయోగించి యూజర్ల వ్యక్తిగత సమాచారాన్ని దొంగిలించే ప్రయత్నాలు జరుగుతున్నట్లు తెలిపింది.
వైఫైకి కనెక్ట్ అయ్యే సమయంలో కనిపించే అనుమానాస్పద పాప్అప్లు, బ్రౌజర్ అప్డేట్లు లేదా ట్రబుల్షూటింగ్ సూచనలను క్లిక్ చేయడం ప్రమాదకరమని నిపుణులు సూచిస్తున్నారు. లాగిన్ వివరాలు నమోదు చేయించిన తర్వాత వాటిని సైబర్ నేరగాళ్లు దుర్వినియోగం చేసే అవకాశం ఉంది. ఇప్పటికే పలు దేశాల్లో ఇటువంటి దాడులను గుర్తించినట్లు మైక్రోసాఫ్ట్ వెల్లడించింది.
ఎలా సురక్షితంగా ఉండాలి?
హోటల్, ఎయిర్పోర్టు వంటి బహిరంగ ప్రదేశాల్లో ఉచిత వైఫైకి బదులుగా వ్యక్తిగత మొబైల్ హాట్స్పాట్ను ఉపయోగించడం మంచిది. తెలియని పాప్అప్లు, లింక్లు, అప్డేట్ నోటిఫికేషన్లను క్లిక్ చేయకూడదు. ముఖ్యమైన ఖాతాల్లో లాగిన్ వివరాలు నమోదు చేసేటప్పుడు నెట్వర్క్ భద్రతను నిర్ధారించుకోవాలి.
Andhra pradesh Andhrapradesh APNews BreakingNews Breaking news BusinessNews CricketNews CrimeNews EducationNews EntertainmentNews Geopolitics Government Hyderabad India IndianCinema IndiaNews InternationalNews LatestNews MarketUpdate MovieNews News NewsToday NewsUpdate PoliticalNews shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiMedia ShivaShaktiNews SportsNews StockMarket TechNews Telangana TelanganaNews TeluguCinema TeluguNews Tollywood TrendingNews ViralNews WorldNews
