హైదరాబాద్ అబిడ్స్లో బుధవారం మధ్యాహ్నం కారు ప్రమాదం చోటుచేసుకుంది. నడుచుకుంటూ ఇంటికి వెళ్తున్న ఓ మహిళను కారు ఢీకొట్టడంతో ఆమె తీవ్రంగా గాయపడింది. బాధితురాలి కుటుంబ సభ్యుల వివరాల ప్రకారం.. గన్ఫౌండ్రీలోని ఎస్బీఐ బ్యాంకులో హౌస్కీపింగ్ ఉద్యోగిగా పనిచేస్తున్న సునీత విధులు ముగించుకుని ఇంటికి వెళ్తుండగా ఈ ప్రమాదం జరిగింది.
ఈ సమయంలో సినిమా నిర్మాతకు చెందిన కారును డ్రైవర్ మహానంద నడుపుతూ ఒక్కసారిగా సునీత వైపు దూసుకొచ్చినట్లు కుటుంబ సభ్యులు ఆరోపించారు. కారు ఢీకొనడంతో ఆమె కాలుకు ఫ్రాక్చర్ కావడంతో తీవ్ర గాయాలయ్యాయి. ప్రమాదాన్ని గమనించిన స్థానికులు వెంటనే ఆమెను సమీపంలోని ప్రైవేట్ ఆస్పత్రికి తరలించారు. ప్రస్తుతం అక్కడ చికిత్స అందిస్తున్నారు.
ప్రమాదానికి కారణమైన కారు సినిమా నిర్మాత బొమ్మకు మురళికి చెందినదని బాధితురాలి కుటుంబ సభ్యులు తెలిపారు. ఘటన అనంతరం ఆయనకు ఫోన్ చేసి సునీత చికిత్సకు అయ్యే ఖర్చులను భరించాలని కోరినట్లు చెప్పారు. అయితే దీనిపై ఆయన నుంచి సానుకూల స్పందన రాలేదని కుటుంబ సభ్యులు ఆరోపించారు.
బాధితురాలి కుటుంబ సభ్యుల ఫిర్యాదు మేరకు అబిడ్స్ పోలీసులు కేసు నమోదు చేసి దర్యాప్తు చేస్తున్నారు. ప్రమాదానికి సంబంధించిన పూర్తి వివరాలను పోలీసులు సేకరిస్తున్నారు.
Andhra pradesh Andhrapradesh APNews BreakingNews Breaking news BusinessNews CricketNews CrimeNews EducationNews EntertainmentNews Geopolitics Government Hyderabad India IndianCinema IndiaNews InternationalNews LatestNews MarketUpdate MovieNews News NewsToday NewsUpdate PoliticalNews shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiMedia ShivaShaktiNews SportsNews StockMarket TechNews Telangana TelanganaNews TeluguCinema TeluguNews Tollywood TrendingNews ViralNews WorldNews
