విజయనగరం జిల్లా దత్తిరాజేరు మండల కేంద్రంలో విద్యా రంగానికి సంబంధించిన రెండు కీలక భవన సముదాయాలను మంత్రి కొండపల్లి శ్రీనివాస్ ప్రారంభించారు. రూ.2.12 కోట్లతో నిర్మించిన కస్తూర్బా బాలికల అప్గ్రేడ్ జూనియర్ కళాశాల భవన సముదాయంతో పాటు రూ.53 లక్షల వ్యయంతో నిర్మించిన మండల విద్యాశాఖ అధికారి కార్యాలయ భవనాన్ని ప్రారంభించారు.
ఈ సందర్భంగా మంత్రి మాట్లాడుతూ.. పేద విద్యార్థులకు నాణ్యమైన విద్య అందించడంతో పాటు ప్రభుత్వ విద్యాసంస్థల్లో మౌలిక వసతులను మెరుగుపరచడంపై కూటమి ప్రభుత్వం ప్రత్యేక దృష్టి సారిస్తోందన్నారు. విద్యార్థులకు పాఠశాల ప్రారంభం నుంచే యూనిఫామ్, షూస్, పుస్తకాలు అందిస్తున్నామని, డొక్కా సీతమ్మ పేరుతో నాణ్యమైన భోజనం కూడా అందిస్తున్నామని తెలిపారు.
ఉపాధ్యాయులు విద్యార్థులకు పాఠ్యాంశాలను సులభంగా అర్థమయ్యేలా బోధిస్తూ, చదువుపై ఆసక్తి పెంచాలని మంత్రి సూచించారు. విద్యార్థులు ఏకాగ్రతతో చదువుకుని ఉన్నత లక్ష్యాలను సాధించాలని, విద్య ద్వారా కుటుంబ ఆర్థిక పరిస్థితులను మెరుగుపరుచుకోవచ్చని పేర్కొన్నారు.
ప్రారంభోత్సవం అనంతరం కస్తూర్బా బాలికలతో కలిసి మంత్రి తరగతి గదులను ప్రారంభించారు. విద్యార్థుల సౌకర్యాలు, ఉపాధ్యాయుల పనితీరు, భోజనం నాణ్యత, పాఠశాలలోని మౌలిక వసతులపై వివరాలు అడిగి తెలుసుకున్నారు.
Andhra pradesh Andhrapradesh APNews BreakingNews Breaking news BusinessNews CricketNews CrimeNews EducationNews EntertainmentNews Geopolitics Government Hyderabad India IndianCinema IndiaNews InternationalNews LatestNews MarketUpdate MovieNews News NewsToday NewsUpdate PoliticalNews shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiMedia ShivaShaktiNews SportsNews StockMarket TechNews Telangana TelanganaNews TeluguCinema TeluguNews Tollywood TrendingNews ViralNews WorldNews
