తనను మంత్రివర్గం నుంచి తొలగించే విషయంలో సీఎం రేవంత్రెడ్డి కాంగ్రెస్ హైకమాండ్పై ఒత్తిడి తీసుకొచ్చారని మాజీ మంత్రి కొండా సురేఖ ఆరోపించారు. తన వివరణ తీసుకోకుండానే బర్తరఫ్కు నిర్ణయం తీసుకోవడం అన్యాయమని ఆమె మండిపడ్డారు. తనపై ఎలాంటి తప్పు లేకపోయినా కారణాలు చెప్పకుండా మంత్రి పదవి నుంచి తొలగించడాన్ని తీవ్రంగా ఖండిస్తున్నట్లు తెలిపారు.
తనను మంత్రి పదవి నుంచి తొలగించే ఉద్దేశం కాంగ్రెస్ హైకమాండ్కు లేదని, అయితే సీఎం రేవంత్రెడ్డి హైకమాండ్ను బ్లాక్మెయిల్ చేశారని కొండా సురేఖ ఆరోపించారు. తనను తొలగిస్తారా? లేక తాను రాజీనామా చేయాలా? అంటూ సీఎం హైకమాండ్ను బెదిరించారని ఆమె వ్యాఖ్యానించారు.
తనతో పాటు మాజీ ఓఎస్డీ సుమంత్పై కూడా కుట్ర జరిగిందని కొండా సురేఖ ఆరోపించారు. మంత్రి పొంగులేటి శ్రీనివాసరెడ్డి, ఎంపీ వేం నరేందర్రెడ్డి, సీఎం సోదరులు కొండల్రెడ్డి, తిరుపతిరెడ్డి తనపై కక్షగట్టారని ఆమె అన్నారు. తనకు తెలియకుండానే సుమంత్ను తప్పించారని, పోలీసులపై ఒత్తిడి తెచ్చి ఆయన కుటుంబాన్ని ఇబ్బందులకు గురిచేస్తున్నారని ఆరోపించారు.
మంత్రి పదవి నుంచి తొలగించినందుకు తాను బాధపడటం లేదని కొండా సురేఖ స్పష్టం చేశారు. తాను ఎలాంటి తప్పు చేయలేదని, అందువల్ల బర్తరఫ్ను అవమానంగా భావించడం లేదన్నారు. ప్రజాబలం ఉన్న నాయకులమని, ప్రజలు తమ వెంటే ఉంటారని వ్యాఖ్యానించారు.
మంత్రులు, ఎమ్మెల్యేలు తమ పరిస్థితిపై గుండెల మీద చేయి వేసుకుని ఆలోచించాలని ఆమె సూచించారు. ప్రజాప్రతినిధులకే పనులు జరగని పరిస్థితి నెలకొందని ఆరోపించారు. క్షేత్రస్థాయి పరిస్థితులపై ప్రభుత్వం సర్వే చేయించుకోవాలని కోరారు.
కాంగ్రెస్ పార్టీకి రాజీనామా చేసే ఆలోచన తనకు లేదని కొండా సురేఖ స్పష్టం చేశారు. ఎమ్మెల్యేగా కొనసాగుతానని తెలిపారు. ప్రస్తుతం ప్లాన్-బిపై ఎలాంటి నిర్ణయం తీసుకోలేదన్నారు.
ప్రభుత్వ హామీలు పూర్తిస్థాయిలో అమలు కాకపోవడం వల్ల ప్రజల్లో వ్యతిరేకత ఏర్పడుతోందని ఆమె అభిప్రాయపడ్డారు. ఎమ్మెల్యేలకు పనులు చేయించుకోవడానికి ఎవరిని సంప్రదించాలో తెలియని పరిస్థితి ఉందని అన్నారు. ప్రజలకు సేవ చేయలేకపోతున్నామనే బాధ ప్రజాప్రతినిధుల్లో ఉందని పేర్కొన్నారు.
తన బర్తరఫ్పై పునరాలోచించుకోవాలని కాంగ్రెస్ హైకమాండ్ను కోరబోనని కొండా సురేఖ అన్నారు. అయితే పార్టీ తీరు మారాల్సిన అవసరం ఉందని అభిప్రాయపడ్డారు. కాంగ్రెస్ మళ్లీ అధికారంలోకి రావాలంటే అనేక మార్పులు చేసుకోవాల్సి ఉంటుందని సూచించారు.
సీఎం రేవంత్రెడ్డి ఏకపక్షంగా వ్యవహరించడం సరికాదని ఆమె వ్యాఖ్యానించారు. “నావైపు ఒక వేలు చూపితే.. రేవంత్ వైపు నాలుగువేళ్లు చూపుతాయి” అని కొండా సురేఖ అన్నారు. పార్టీని వీడే ఆలోచన లేదని, ఎమ్మెల్యేగా ప్రజల కోసం పనిచేస్తానని స్పష్టం చేశారు.
Andhra pradesh Andhrapradesh APNews BreakingNews Breaking news BusinessNews CricketNews CrimeNews EducationNews EntertainmentNews Geopolitics Government Hyderabad India IndianCinema IndiaNews InternationalNews LatestNews MarketUpdate MovieNews News NewsUpdate PoliticalNews shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiMedia ShivaShaktiNews SportsNews StockMarket TechNews Telangana TelanganaNews TeluguCinema TeluguNews Tollywood TrendingNews ViralNews Wellness WorldNews
