లలితా జువెలరీ మార్ట్ తొలి పబ్లిక్ ఇష్యూ ద్వారా రూ.1,700 కోట్లను సమీకరించేందుకు సిద్ధమైంది. ఆగస్టు 17న ప్రారంభమయ్యే ఐపీఓ ఆగస్టు 19న ముగియనుంది. ఒక్కో షేరుకు రూ.190–201 ధరల శ్రేణిని కంపెనీ నిర్ణయించింది. సంస్థ మార్కెట్ విలువ సుమారు రూ.11,250 కోట్లుగా ఉండనుంది.
ఈ ఐపీఓలో రూ.1,200 కోట్ల తాజా షేర్లతో పాటు రూ.500 కోట్ల విలువైన షేర్లను ఆఫర్ ఫర్ సేల్ కింద విక్రయించనున్నారు. అర్హత కలిగిన సంస్థాగత మదుపరులకు 50 శాతం, సంస్థాగతేతర మదుపరులకు 15 శాతం, రిటైల్ మదుపరులకు 35 శాతం వాటా కేటాయించారు. ఆగస్టు 14న యాంకర్ మదుపరుల కోసం బిడ్డింగ్ ప్రారంభమవుతుంది. ఆగస్టు 24న షేర్లు స్టాక్ ఎక్స్ఛేంజీల్లో నమోదుకానున్నాయి.
ఐపీఓ ద్వారా సమీకరించే నిధులను జువెలరీ రిటైల్ నెట్వర్క్, స్టోర్ల విస్తరణకు ఉపయోగించనున్నట్లు సంస్థ తెలిపింది.
ఫిల్మ్, టెలివిజన్ నిర్మాత, దర్శకుడు విపుల్ షాకు చెందిన సన్షైన్ పిక్చర్స్ కూడా ఐపీఓకు వస్తోంది. సంస్థ రూ.282 కోట్లను సమీకరించనుంది. ఆగస్టు 18 నుంచి 20 వరకు సబ్స్క్రిప్షన్ కొనసాగనుంది. ఒక్కో షేరు ధరను రూ.342–360గా నిర్ణయించారు. ఆగస్టు 25న షేర్లు స్టాక్ ఎక్స్ఛేంజీల్లో లిస్ట్ కానున్నాయి.
Andhra pradesh Andhrapradesh APNews BreakingNews Breaking news BusinessNews CricketNews CrimeNews EducationNews EntertainmentNews Geopolitics Government Hyderabad India IndianCinema IndiaNews InternationalNews LatestNews MarketUpdate MovieNews News NewsToday NewsUpdate PoliticalNews shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiMedia ShivaShaktiNews SportsNews StockMarket TechNews Telangana TelanganaNews TeluguCinema TeluguNews Tollywood TrendingNews ViralNews WorldNews
