భద్రాద్రి కొత్తగూడెం జిల్లాలో అవినీతి నిరోధక శాఖ (ఏసీబీ) అధికారులు మరో లంచం కేసును బయటపెట్టారు. భద్రాచలం ఫారెస్ట్ డివిజనల్ ఆఫీసర్ ఎస్. సుజాత, చర్ల ఇన్ఛార్జి డిప్యూటీ రేంజ్ ఆఫీసర్ బి. కృష్ణ గురువారం లంచం తీసుకుంటూ రెడ్హ్యాండెడ్గా పట్టుబడ్డారు.
ఏసీబీ డీఎస్పీ వై. రమేశ్ తెలిపిన వివరాల ప్రకారం.. ఓ గుత్తేదారు 2025లో చర్ల మండలం పూసుగుప్ప–ఛత్తీస్గఢ్ మధ్య రహదారి పనులు పూర్తి చేశారు. ఆ పనుల సమయంలో రోడ్డు పక్కన ఉన్న చెట్లు దెబ్బతిన్నాయి. ఈ నేపథ్యంలో కేసు నమోదు చేయకుండా ఉండేందుకు అటవీ అధికారులు రూ.10 లక్షలు లంచం డిమాండ్ చేసినట్లు ఆరోపణలు ఉన్నాయి.
తరువాత చర్చల అనంతరం రూ.3.5 లక్షలకు ఒప్పందం కుదిరింది. అయితే గుత్తేదారు ఈ విషయాన్ని ఏసీబీకి ఫిర్యాదు చేయడంతో అధికారులు పక్కా ప్రణాళికతో రంగంలోకి దిగారు.
నిర్దేశించిన విధంగా నగదు తీసుకునే సమయంలో భద్రాచలం అటవీ శాఖ కార్యాలయంలో సుజాత, కృష్ణలను ఏసీబీ అధికారులు పట్టుకున్నారు. వారి వద్ద నుంచి లంచం డబ్బు స్వాధీనం చేసుకున్నట్లు సమాచారం.
ఈ ఘటనతో అటవీ శాఖలో కలకలం రేగింది. అధికారులు కేసు నమోదు చేసి దర్యాప్తు కొనసాగిస్తున్నారు.
Andhra pradesh Andhrapradesh AndhraPradeshNews APNews Breaking news BreakingNews BusinessNews ChandrababuNaidu CricketNews CrimeNews EntertainmentNews Geopolitics governance Government India IndiaNews LatestNews LawAndOrder News news24 newsalert NewsToday NewsUpdate PoliticalNews PoliticalUpdate PublicSafety shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiMedia ShivaShaktiNews SportsNews Telangana TelanganaNews TeluguNews Tollywood TrendingNews TrendingNow ViralNews WorldNews
