మూసీ నది తీరాన్ని ఆధునికంగా అభివృద్ధి చేయాలనే లక్ష్యంతో తెలంగాణ ప్రభుత్వం మూసీ రివర్ ఫ్రంట్ డెవలప్మెంట్ ప్రాజెక్ట్ ను ప్రతిష్టాత్మకంగా చేపట్టింది. ఈ ప్రాజెక్ట్లో భాగంగా ముసి నది పరిసర ప్రాంతాలను పర్యాటక కేంద్రాలుగా మార్చేలా ప్రత్యేక ప్రణాళికలు రూపొందించారు.
గాంధీ సరోవర్ ప్రాజెక్ట్ ఈ మొత్తం అభివృద్ధి ప్రణాళికలో కీలక భాగంగా నిలవనుంది. గాంధీజీ చరఖా ఆకృతిని ప్రతిబింబించేలా నిర్మించనున్న భారీ ఫెర్రిస్ వీల్ నగరానికి ప్రత్యేక గుర్తింపుగా నిలుస్తుందని అధికారులు చెబుతున్నారు. ఇది పూర్తయితే హైదరాబాద్కు వచ్చే పర్యాటకులకు ఒక ముఖ్యమైన ఆకర్షణగా మారే అవకాశం ఉంది.
అదే సమయంలో ముసి నది తీరంలో వినోద పార్కులు, సాంస్కృతిక కేంద్రాలు, ప్రజలకు విశ్రాంతి కోసం ప్రత్యేక స్థలాలు ఏర్పాటు చేయాలని ప్రభుత్వం భావిస్తోంది. కుటుంబాలతో కలిసి సమయం గడిపేలా వాకింగ్ ట్రాక్లు, సైక్లింగ్ ట్రాక్లు, పచ్చని ఉద్యానవనాలు ఏర్పాటు చేయనున్నారు.
నగర రవాణా సౌకర్యాలను మెరుగుపరచడానికి ఎలివేటెడ్ రోడ్లు, కొత్త కనెక్టివిటీ మార్గాలు కూడా ప్రణాళికలో ఉన్నాయి. ఇవి ట్రాఫిక్ సమస్యలను తగ్గించడమే కాకుండా నగర అభివృద్ధికి కూడా తోడ్పడతాయని అధికారులు తెలిపారు.ఈ ప్రాజెక్ట్ ద్వారా ముసి నది పరిసర ప్రాంతాల్లో ఉద్యోగ అవకాశాలు పెరగడం, వ్యాపార కార్యకలాపాలు విస్తరించడం కూడా సాధ్యమవుతుందని భావిస్తున్నారు. ముసి తీరాన్ని సుందరీకరించడం ద్వారా నగరానికి ఒక కొత్త రూపం తీసుకురావడమే కాకుండా పర్యావరణ పరిరక్షణకు కూడా ప్రాధాన్యం ఇవ్వనున్నారు. ఈ మెగా ప్రాజెక్ట్ పూర్తయితే హైదరాబాద్ నగరం పర్యాటక, సాంస్కృతిక, ఆర్థిక రంగాల్లో మరింత అభివృద్ధి సాధించే అవకాశం ఉందని నిపుణులు అభిప్రాయపడుతున్నారు.
Andhra pradesh Andhrapradesh AndhraPradeshNews APNews BreakingNews Breaking news BusinessNews CricketNews CrimeNews EntertainmentNews Geopolitics Government India IndiaNews InternationalNews LatestNews LawAndOrder MarketUpdate News news24 newsalert NewsToday NewsUpdate PoliticalNews PublicSafety shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiMedia ShivaShaktiNews SportsNews TechNews Telangana TelanganaNews TeluguCinema TeluguNews Tollywood TrendingNews ViralNews WorldNews
