ప్రధాని నరేంద్ర మోదీ నాయకత్వంలో భారత్ మరో కీలక అంతర్జాతీయ విజయాన్ని సాధించిందని ఆంధ్రప్రదేశ్ మంత్రి నారా లోకేశ్ పేర్కొన్నారు. భారత్తో వాణిజ్య ఒప్పందానికి అంగీకరిస్తున్నట్లు అమెరికా అధ్యక్షుడు డొనాల్డ్ ట్రంప్ ప్రకటించిన నేపథ్యంలో ఆయన స్పందించారు.
ఈ వాణిజ్య ఒప్పందాన్ని దూరదృష్టి గల నాయకత్వంతో సాధించిన కీలక ముందడుగుగా లోకేశ్ అభివర్ణించారు. అంతర్జాతీయ వాణిజ్యంలో భారత్ స్థానం మరింత బలపడేలా ఈ ఒప్పందం ఉపయోగపడుతుందని తెలిపారు.
సుంకాల తగ్గింపు నిర్ణయం భారత ఎగుమతులు, తయారీ రంగానికి భారీ ఊతమివ్వనుందని ఆయన వివరించారు. ముఖ్యంగా ఆంధ్రప్రదేశ్కు చెందిన సముద్ర ఆహార ఎగుమతులు, ఎంఎస్ఎంఈ రంగానికి ఈ ఒప్పందం ద్వారా గణనీయమైన లాభాలు చేకూరనున్నట్లు తెలిపారు.
భారత్–అమెరికా వ్యూహాత్మక భాగస్వామ్యం ఈ ఒప్పందంతో మరింత పటిష్టమవుతుందని లోకేశ్ అభిప్రాయపడ్డారు. వాణిజ్య, పెట్టుబడులు, ఉపాధి అవకాశాల పరంగా దేశానికి ఇది కీలకమైన మలుపుగా నిలుస్తుందని చెప్పారు.
ఈ కీలక వాణిజ్య ఒప్పందాన్ని విజయవంతంగా సాధించిన చర్చా బృందాలకు, కేంద్ర వాణిజ్య–పరిశ్రమల మంత్రిత్వ శాఖకు ఆయన ప్రత్యేక అభినందనలు తెలిపారు.
Andhra pradesh Andhrapradesh APNews BreakingNews Breaking news BusinessNews CricketNews CrimeNews EducationNews EntertainmentNews Geopolitics Government India IndianCinema IndiaNews InternationalNews LatestNews MarketUpdate MovieNews News NewsToday NewsUpdate PoliticalNews PublicSafety shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiMedia ShivaShaktiNews SportsNews StockMarket TechNews Telangana TelanganaNews TeluguCinema TeluguNews Tollywood TrendingNews ViralNews WorldNews
