ఎక్స్‌ప్రెస్‌ ఎంట్రీలో కొత్త కేటగిరీలు.. కెనడా ఇమిగ్రేషన్‌లో మార్పులు..

వలసదారుల సంఖ్యను నియంత్రిస్తూ ప్రతిభావంతులకు వేగవంతమైన అవకాశాలు కల్పించే దిశగా కెనడా ప్రభుత్వం ఇమిగ్రేషన్‌ నిబంధనల్లో కీలక మార్పులు చేసింది. శాశ్వత నివాస వలసదారుల (PR) సంఖ్యను పరిమితం చేస్తూనే, దేశానికి అవసరమైన నైపుణ్యాలతో ఉన్నవారికి ప్రాధాన్యం ఇచ్చేలా కొత్త కేటగిరీలు ప్రవేశపెట్టింది.
ప్రత్యేకంగా పరిశోధకులు, వైద్యులు, పైలట్లు వంటి నిపుణుల కోసం ఎక్స్‌ప్రెస్‌ ఎంట్రీ వ్యవస్థలో కొత్త ప్రాధాన్యత కేటగిరీలను చేర్చినట్లు కెనడా ఫెడరల్‌ ప్రభుత్వం వెల్లడించింది. ఆరోగ్య సంరక్షణ, విమానయానం, రక్షణ రంగాల్లో ఉన్న కార్మిక కొరతను భర్తీ చేయడమే ఈ నిర్ణయాల ప్రధాన లక్ష్యంగా పేర్కొంది.

Canada అమలు చేస్తున్న ‘ఎక్స్‌ప్రెస్‌ ఎంట్రీ’ అనేది నైపుణ్య కార్మికుల ఇమిగ్రేషన్‌ దరఖాస్తులను ఆన్‌లైన్‌ ద్వారా పరిశీలించే ప్రత్యేక వ్యవస్థ. ఈ విధానం ద్వారా అర్హత గల అభ్యర్థులు వేగంగా శాశ్వత నివాస హోదా పొందే అవకాశం ఉంటుంది. సాధారణ ఇమిగ్రేషన్‌ మార్గాలతో పోలిస్తే ఈ ప్రక్రియ చాలా వేగంగా పూర్తవుతుంది. సగటున ఆరు నెలలు లేదా అంతకంటే తక్కువ సమయంలోనే PR మంజూరు కావచ్చని అధికారులు చెబుతున్నారుప్రస్తుతం ఎక్స్‌ప్రెస్‌ ఎంట్రీలో ఫ్రెంచ్‌ భాషా పరిజ్ఞానం ఉన్నవారు, హెల్త్‌కేర్‌ వర్కర్లు, నైపుణ్యం గల ట్రేడర్లు వంటి కేటగిరీలు అమల్లో ఉన్నాయి.

తాజా మార్పులతో పరిశోధన, విమానయానం, రక్షణ రంగాలకు చెందిన అభ్యర్థులకు ప్రత్యేక అవకాశాలు లభించనున్నాయి.ఇకపై దేశ ఆర్థిక అవసరాలకు అనుగుణంగా ప్రాధాన్యత కేటగిరీలను సవరించుకునే అవకాశముందని నిపుణులు భావిస్తున్నారు. ఈ నిర్ణయంతో ప్రపంచవ్యాప్తంగా ఉన్న ప్రతిభావంతులకు కెనడాలో స్థిరపడే అవకాశాలు మరింత విస్తరించనున్నాయికీలక రంగాల్లో నైపుణ్య కార్మికుల కొరతను దృష్టిలో ఉంచుకుని Canada ప్రభుత్వం ఎక్స్‌ప్రెస్‌ ఎంట్రీ వ్యవస్థను లక్ష్యితంగా విస్తరించింది. తాజా మార్పులతో రీసెర్చర్లు, పైలట్లు, డాక్టర్లు, ఎయిర్‌క్రాఫ్ట్‌ మెకానిక్స్‌, సీనియర్‌ మేనేజర్లు, మిలిటరీ డాక్టర్లు, నర్సులు వంటి వృత్తులకు ప్రత్యేక ప్రాధాన్యం కల్పించారు.