పశ్చిమాసియాలో ఉద్రిక్త పరిస్థితులు కొనసాగుతున్న వేళ ప్రధాని నరేంద్ర మోదీ ఇరాన్ అధ్యక్షుడు మసూద్ పెజెష్కియాన్తో భేటీ అయ్యారు. షాంఘై సహకార సంస్థ (SCO) సదస్సు సందర్భంగా కిర్గిస్థాన్లో ఇరువురు నేతలు ద్వైపాక్షిక సమావేశంలో పాల్గొన్నారు.
ఈ ఏడాది ఫిబ్రవరిలో అమెరికా-ఇరాన్ మధ్య యుద్ధం ప్రారంభమైన తర్వాత మోదీ.. ఇరాన్ అధ్యక్షుడిని కలవడం ఇదే తొలిసారి. ఈ భేటీలో పశ్చిమాసియా పరిస్థితులు, యుద్ధాన్ని ముగించే ప్రయత్నాలు, హర్మూజ్ జలసంధి దిగ్బంధనం వంటి కీలక అంశాలపై చర్చించినట్లు సమాచారం.
పశ్చిమాసియాలో శాంతి, సుస్థిరత నెలకొల్పేందుకు చేపట్టే అన్ని ప్రయత్నాలకు భారత్ మద్దతు ఇస్తుందని మోదీ హామీ ఇచ్చారు. అదే సమయంలో భవిష్యత్తులో భారత్-ఇరాన్ మధ్య వాణిజ్య సంబంధాలను మరింత విస్తరించేందుకు కృషి చేయనున్నట్లు తెలిపారు.
అమెరికా దురాక్రమణకు వ్యతిరేకంగా అంతర్జాతీయ మద్దతు కూడగట్టే ప్రయత్నంలో భాగంగా పెజెష్కియాన్ SCO సదస్సుకు హాజరయ్యారు. ఈ సందర్భంగా ఆయన మాట్లాడుతూ.. ఇరాన్ యుద్ధాన్ని కోరుకోవడం లేదని స్పష్టం చేశారు.
చర్చల ద్వారా సమస్యలను పరిష్కరించుకునేందుకు తాము సిద్ధంగా ఉన్నామని, అయితే తమ దేశంపై దురాక్రమణను మాత్రం సహించబోమని పేర్కొన్నారు. అవసరమైతే బలంతో, దృఢ నిశ్చయంతో ప్రతిస్పందిస్తామని స్పష్టం చేశారు.
పశ్చిమాసియాలో కొనసాగుతున్న ఉద్రిక్తతలు ప్రపంచ దేశాలపై కూడా ప్రతికూల ప్రభావం చూపుతున్నాయని పెజెష్కియాన్ అన్నారు. ఆర్థిక, భద్రతా లక్ష్యాలను ముందుకు తీసుకెళ్లేందుకు ప్రపంచ దేశాల మధ్య సమన్వయం అవసరమని పేర్కొన్నారు.
SCO సదస్సు ప్రాధాన్యాన్ని కూడా ఇరాన్ అధ్యక్షుడు వివరించారు. ప్రపంచంలోని అనేక దేశాల అధినేతలు, అంతర్జాతీయ సంస్థలు ఈ సమావేశంలో పాల్గొంటున్నాయని తెలిపారు. కొన్ని అంతర్జాతీయ సంస్థలు ప్రపంచంపై తమ గుత్తాధిపత్యాన్ని చాటుకునేందుకు ప్రయత్నిస్తున్న తరుణంలో.. విభిన్న, స్వతంత్ర స్వరాలను ప్రపంచ వేదికపై వినిపించేందుకు ఈ సదస్సు ఉపయోగపడుతుందని అన్నారు
SCO సదస్సు సందర్భంగా ప్రధాని మోదీ అర్మేనియా ప్రధానమంత్రి నికోల్ పాషిన్యాన్తోనూ సమావేశమయ్యారు. రక్షణ, ఆర్థిక, ఔషధ, సైన్స్ అండ్ టెక్నాలజీ సహా పలు రంగాల్లో ద్వైపాక్షిక సహకారాన్ని మరింత బలోపేతం చేసే మార్గాలపై ఇరువురు నేతలు చర్చించారు.
ఇక సదస్సు సందర్భంగా మోదీ రష్యా అధ్యక్షుడు వ్లాదిమిర్ పుతిన్తోనూ భేటీ కానున్నారు. పశ్చిమాసియా పరిణామాల నేపథ్యంలో ఈ సమావేశానికి ప్రాధాన్యం ఏర్పడింది.
Andhra pradesh Andhrapradesh APNews BreakingNews Breaking news BusinessNews CricketNews CrimeNews EducationNews EntertainmentNews Geopolitics Government Hyderabad India IndianCinema IndiaNews InternationalNews LatestNews MarketUpdate MovieNews News NewsUpdate PoliticalNews shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiMedia ShivaShaktiNews SportsNews StockMarket TechNews Telangana TelanganaNews TeluguCinema TeluguNews Tollywood TrendingNews ViralNews Wellness WorldNews
