రణ్బీర్ కపూర్, సాయి పల్లవి జంటగా నితీశ్ తివారీ దర్శకత్వంలో తెరకెక్కుతున్న భారీ చిత్రం ‘రామాయణ’పై ప్రేక్షకుల్లో భారీ అంచనాలు ఉన్నాయి. రెండు భాగాలుగా రూపొందుతున్న ఈ చిత్రంలో తొలి భాగం ఈ ఏడాది దీపావళి సందర్భంగా ప్రపంచవ్యాప్తంగా విడుదల కానుంది. తాజాగా ఈ సినిమా ఇంగ్లిష్ వెర్షన్కు సంబంధించి ఓ ఆసక్తికరమైన విషయం నెట్టింట చర్చకు వచ్చింది.
హిందీ వెర్షన్తో పోలిస్తే ఇంగ్లిష్ వెర్షన్ నిడివి దాదాపు 30 నిమిషాలు తక్కువగా ఉండనుందని సినీ వర్గాల్లో టాక్ వినిపిస్తోంది. అంతర్జాతీయ ప్రేక్షకుల అభిరుచికి అనుగుణంగా ఈ వెర్షన్లో కొన్ని మార్పులు చేసినట్లు సమాచారం.
ముఖ్యంగా హిందీ వెర్షన్లో ఉండే పాటలను ఇంగ్లిష్ వెర్షన్లో తొలగించే అవకాశముందని తెలుస్తోంది. అలాగే కొన్ని సన్నివేశాలను కూడా కుదించినట్లు ప్రచారం జరుగుతోంది. భారతీయ సినిమాల్లో పాటలు, ఎక్కువ నిడివి సాధారణమైనప్పటికీ.. అంతర్జాతీయ ప్రేక్షకుల కోసం కథనం మరింత కాంపాక్ట్గా ఉండేలా ఈ మార్పులు చేసినట్లు సమాచారం.
అయితే ‘రామాయణ’ ఇంగ్లిష్ వెర్షన్ నిడివి, పాటలు, సన్నివేశాల కత్తిరింపుపై చిత్రబృందం నుంచి ఇప్పటివరకు ఎలాంటి అధికారిక ప్రకటన వెలువడలేదు. దీంతో ప్రస్తుతం ఇవి సినీ వర్గాల్లో వినిపిస్తున్న వార్తలుగానే ఉన్నాయి.
ఇటీవల వినాయక చవితి సందర్భంగా ‘రామాయణ’లోని తొలి పాట ‘జయ జయ రామ్’ను విడుదల చేశారు. ఏఆర్ రెహమాన్ సంగీతం అందించిన ఈ పాటను అర్జిత్ సింగ్, శ్రేయా ఘోషల్ ఆలపించారు. పాటకు మంచి స్పందన లభించింది.
ఈ చిత్రంలో రణ్బీర్ కపూర్ రాముడిగా, సాయి పల్లవి సీతగా, యశ్ రావణుడిగా కనిపించనున్నారు. సన్నీ దియోల్ హనుమంతుడిగా, రవి దూబే లక్ష్మణుడిగా నటిస్తున్నారు. నమిత్ మల్హోత్రా, యశ్ సంయుక్తంగా నిర్మిస్తున్న ఈ చిత్రం తొలి భాగం దీపావళికి ప్రపంచవ్యాప్తంగా ప్రేక్షకుల ముందుకు రానుంది.
Andhra pradesh Andhrapradesh APNews BreakingNews Breaking news BusinessNews CricketNews CrimeNews EducationNews EntertainmentNews Geopolitics Government Hyderabad India IndianCinema IndiaNews InternationalNews LatestNews MarketUpdate MovieNews News NewsUpdate PoliticalNews shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiMedia ShivaShaktiNews SportsNews StockMarket TechNews Telangana TelanganaNews TeluguCinema TeluguNews Tollywood TrendingNews ViralNews Wellness WorldNews
