రామకథ వినబడే చోట బాష్పనయనాలతో కొలువై ఉండే ఆంజనేయుడికి ప్రణామం!

శ్రీ హనుమత్పంచచామరం

నమోzస్తు తే హనూమతే దయావతే మనోగతే సువర్ణపర్వతాకృతే నభస్స్వతః సుతాయ తే | న చాంజనేయ తే సమో జగత్తయే మహామతే పరాక్రమే వచఃక్రమే సమస్తసిద్ధిసంక్రమే ॥1॥

రవిం గ్రసిష్ఠురుత్పతన్ ఫలేచ్ఛయా శిశుర్భవాన్ రవేర్గృహీతవానహో సమస్తవేదశాస్త్రకం | భవన్మనోజ్ఞభాషణం బభూవ కర్ణభూషణం రఘూత్తమస్య మానసాంబుజస్య పూర్ణతోషణం 2

ధరాత్మజాపతిం భవాన్ విభావయన్ జగత్పతిం జగామ రామదాసతాం సమస్తలోకవిశ్రుతాం | విలంఘ్య వారిధి జవాత్ విలోక్య దీనజానకీం దశాననస్య మానసం దదాహ లంకయా సమం 3

విలోక్య మాతరం కృశాం దశాననస్య తద్వనే భవానభాషత ప్రియం మనోహరం చ సంస్కృతం | సమస్తదుష్టరక్షసాం వినాశకాలసూచనం చకార రావణాగ్రతో నయేన వా భయేన వా 4

మహాబలో మహాచలం సముహ్య చౌషధిప్రభం భవాన్ రరక్ష లక్ష్మణం భయావహే మహావహే! మహోపకారిణం లేదా భవంతమాత్మబాంధవం సమస్తలోకబాంధవోZప్యమన్యత స్వయం విభుః 5

భవాంశ్చ యత్ర యత్ర తత్ శృణోతి రామకీర్తనం కరోతి తత్ర తత్ర భోః సబాష్పమస్తకాంజలిం ప్రదేహి మే2ంజనాసుత త్వదీయభక్తివైభవం విదేహి మే నిరంజనం చ రామదాసదాసతాం 6

అగణ్యపుణ్యవాన్ భవాన్ అనన్యధన్యజీవనః
విముచ్య మౌక్తికస్రజం దదౌ ధరాత్మజా ముదా ! భవంతమాలిలింగ యద్ రఘూత్తమః స్వయం వదన్ ఇదం హి మే హనూమతః ప్రదేయసర్వమిత్యహో 7

విదేహరాజనందినీమనోహరే వరే పరేవిదేహముక్తిదాయకే విధేహి మే మనో హరే| క్షణం క్షణం నిరీక్షణం భవేద్ యథా మయి ప్రభోః తథా నివేదయస్వ మద్దశాం దశాననాంతకే 8

ఇదం చ పంచచామరం గృహాణ దాసకల్పితం సమీరణాత్మసంభవ ప్రమోదమానచేతసా ! రిపూన్ షడంతరాన్ వినాశయాశు దుర్దమాన్ పున- ర్భవాఖ్యకర్దమాత్ విముచ్య పాహి పాహి పాహి మాం |19 ||

ఇతి శ్రీ హనుమత్పంచచామరం సమాప్తం ॥