స్విస్ ఓపెన్ బ్యాడ్మింటన్ టోర్నీకి రంగం సిద్ధమైంది. మంగళవారం ప్రారంభమయ్యే ఈ ప్రతిష్ఠాత్మక టోర్నీలో భారత షట్లర్లు తమ ప్రతిభను ప్రదర్శించేందుకు సిద్ధమవుతున్నారు. పురుషుల సింగిల్స్లో కిదాంబి శ్రీకాంత్, హెచ్.ఎస్. ప్రణయ్ ప్రధానంగా బరిలోకి దిగుతున్నారు. తొలి రౌండ్లో శ్రీకాంత్ హాంకాంగ్కు చెందిన జేసన్ గనావన్తో తలపడనుండగా, ప్రణయ్ జపాన్కు చెందిన కొకి వటాంబేతో పోటీ పడనున్నాడు. మరో భారత షట్లర్ తరుణ్ మన్నేపల్లి జపాన్ ఆటగాడు కెంటా నిషిమోటోను ఎదుర్కొననున్నాడు.
పురుషుల డబుల్స్లో భారత స్టార్ జంట సాత్విక్సాయిరాజ్ రాంకిరెడ్డి – చిరాగ్ శెట్టి సింగపూర్కు చెందిన కీట్ వెస్లీ–కుబో జంటతో తొలి రౌండ్లో తలపడనుంది. మహిళల డబుల్స్లో పుల్లెల గాయత్రి – ట్రీసా జోలీ జంట కూడా పోటీలో పాల్గొంటోంది. అలాగే పురుషుల డబుల్స్లో అర్జున్ – హరిహరన్ జంట కూడా తమ అదృష్టాన్ని పరీక్షించుకోనుంది.
ఇదిలాఉంటే భారత స్టార్ షట్లర్ పి.వి. సింధు ఈ టోర్నీ నుంచి వైదొలిగింది. ఇటీవల ఇరాన్పై అమెరికా, ఇజ్రాయిల్ దాడుల కారణంగా విమాన రాకపోకల్లో అంతరాయం ఏర్పడి సింధు మూడు రోజుల పాటు దుబాయ్లోనే చిక్కుకుపోయింది. ఈ కారణంగా ఆమె ఆల్ ఇంగ్లాండ్ టోర్నీకి కూడా దూరమైంది. ప్రస్తుతం పరిస్థితులు పూర్తిగా సాధారణం కాకపోవడంతో స్విస్ ఓపెన్లో కూడా పాల్గొనకుండా నిర్ణయం తీసుకుంది.
Andhra pradesh Andhrapradesh AndhraPradeshNews APNews APPolitics Breaking news BreakingNews BusinessNews ChandrababuNaidu Chandrababu naidu CricketNews CrimeNews EntertainmentNews Geopolitics Government HealthyLifestyle India IndiaNews LawAndOrder Movies Naralokesh News news24 newsalert NewsToday NewsUpdate NewsUpdates PoliticalUpdate PublicSafety shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews SportsNews Tdp Telangana TelanganaNews TeluguCinema TeluguNews Tollywood TrendingNow WorldNews
