తమిళనాడు రాజకీయాల్లో సీఎం విజయ్‌, మాజీ సీఎం ఎంకే స్టాలిన్‌ మధ్య మాటల యుద్ధం మరింత ముదురుతోంది. అసెంబ్లీలో స్టాలిన్‌ను ఉద్దేశించి విజయ్‌ చేసిన సంజ్ఞపై డీఎంకే నేతలు తీవ్రంగా స్పందించిన విషయం తెలిసిందే. తాజాగా ఈ వ్యవహారంపై స్టాలిన్‌ స్వయంగా స్పందించారు. ‘తమ్ముడూ విజయ్‌..’ అంటూ ఎక్స్‌ వేదికగా వీడియో సందేశాన్ని విడుదల చేసి, తనకు గతంలో ఎదురైన చేదు అనుభవాలను గుర్తుచేశారు.
1975-77 మధ్య ఎమర్జెన్సీ సమయంలో కరుణానిధి నేతృత్వంలోని డీఎంకే ప్రభుత్వం రద్దయినప్పుడు స్టాలిన్‌ యువజన విభాగంలో కీలకంగా ఉన్నారు. ఆ సమయంలో ఆయన అరెస్టయ్యారు. జైల్లో తనను తీవ్రంగా హింసించారని స్టాలిన్‌ తెలిపారు. లాఠీలు, బూట్లతో కొట్టడం, రాత్రిళ్లు నిద్రపోనివ్వకపోవడం వంటి ఘటనలను ప్రస్తావించారు. ఆ హింసలో తన దవడకు గాయమైందని పేర్కొన్నారు.
జైల్లో కుష్టువ్యాధిగ్రస్తులతో కలిసి ఉంచారని, కనీస సౌకర్యాలు కూడా లేని పరిస్థితుల్లో రోజులు గడపాల్సి వచ్చిందని స్టాలిన్‌ వివరించారు. తనతో పాటు జైల్లో ఉన్న ఓ వ్యక్తి అక్కడే మరణించారని గుర్తుచేశారు. ఈ నేపథ్యంలో విజయ్‌ చేసిన సంజ్ఞను ఉద్దేశించి తన దవడ విరిగిన విషయం నిజమేనంటూ స్టాలిన్‌ కౌంటర్‌ ఇచ్చారు. ఈ వ్యాఖ్యలు తమిళనాడు రాజకీయ వర్గాల్లో మరోసారి చర్చకు దారితీశాయి.
Andhra pradesh Andhrapradesh APNews BreakingNews Breaking news BusinessNews CricketNews CrimeNews Crime News EducationNews EntertainmentNews Geopolitics Government Hyderabad India IndianCinema IndiaNews InternationalNews LatestNews MarketUpdate MovieNews News NewsUpdate PoliticalNews shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiNews SportsNews StockMarket TechNews Telangana TelanganaNews TeluguCinema TeluguNews Tollywood TrendingNews ViralNews Wellness WorldNews
