విపక్షాల ఆందోళనల మధ్య ట్రైబ్యునళ్ల సంస్కరణల బిల్లుకు లోక్సభ ఆమోదం తెలిపింది. సోమవారం మూజువాణి ఓటుతో బిల్లును సభ ఆమోదించింది. అనంతరం లోక్సభను స్పీకర్ మంగళవారానికి వాయిదా వేశారు.
ట్రైబ్యునళ్లలో ఛైర్పర్సన్లు, సభ్యుల అర్హతలు, నియామక ప్రక్రియలో సమర్థత, పారదర్శకతను పెంచడంతో పాటు ఏకరూపత తీసుకురావాలన్న ఉద్దేశంతో ఈ బిల్లును రూపొందించారు. ట్రైబ్యునళ్లకు సంబంధించి సుప్రీంకోర్టు గతంలో ఇచ్చిన ఆదేశాల నేపథ్యంలో సంస్కరణల బిల్లును కేంద్రం సిద్ధం చేసింది.
బిల్లులో ప్రధానంగా ‘నేషనల్ ట్రైబ్యునల్ కమిషన్’ ఏర్పాటు కోసం విధివిధానాలను ప్రతిపాదించారు. ఈ కమిషన్లో ఒక ఛైర్పర్సన్తో పాటు నలుగురు సభ్యులు ఉంటారు. వీరిలో ఇద్దరు న్యాయ రంగానికి, మరో ఇద్దరు సాంకేతిక రంగానికి చెందినవారిగా ఉండేలా ప్రతిపాదించారు.
కమిషన్ ఛైర్పర్సన్గా సుప్రీంకోర్టు విశ్రాంత న్యాయమూర్తిని లేదా హైకోర్టు విశ్రాంత ప్రధాన న్యాయమూర్తిని నియమించే అవకాశం ఉంటుంది. ట్రైబ్యునళ్ల నియామకాలు, నిర్వహణలో స్పష్టమైన విధానం తీసుకురావడం ద్వారా వ్యవస్థను మరింత సమర్థవంతంగా తీర్చిదిద్దాలని ప్రభుత్వం లక్ష్యంగా పెట్టుకుంది.
Andhra pradesh Andhrapradesh APNews BreakingNews Breaking news BusinessNews CricketNews CrimeNews EducationNews EntertainmentNews Geopolitics Government Hyderabad India IndianCinema IndiaNews InternationalNews LatestNews MarketUpdate MovieNews News NewsToday NewsUpdate PoliticalNews shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiMedia ShivaShaktiNews SportsNews StockMarket TechNews Telangana TelanganaNews TeluguCinema TeluguNews Tollywood TrendingNews ViralNews WorldNews
