పశ్చిమాసియాలో కొనసాగుతున్న ఉద్రిక్తతలు యుద్ధరంగంలోని సైనికులపై కూడా తీవ్ర ప్రభావం చూపుతున్నాయనే చర్చ మొదలైంది. గల్ఫ్ జలాల్లో నెలల తరబడి యుద్ధనౌకల్లో విధులు నిర్వహిస్తున్న అమెరికా నావికులు మానసిక ఒత్తిడికి గురవుతున్నట్లు ఓ అమెరికా మీడియా కథనం పేర్కొంది.
యూఎస్ఎస్ అబ్రహాం లింకన్ యుద్ధనౌకలో పనిచేస్తున్న కొందరు నావికులు సముద్రంలోకి దూకి ఆత్మహత్యకు ప్రయత్నించినట్లు మిలిటరీ టైమ్స్ కథనం వెల్లడించింది. మొత్తం ఆరుగురు నావికులు ఆత్మహత్యకు ప్రయత్నించినట్లు సమాచారం. అయితే ఈ కథనాలను అమెరికా నేవీ అధికారులు ఖండించినట్లు పేర్కొంది.
అబ్రహాం లింకన్లో సుమారు 5,000 మంది నావికులు, మెరైన్లు విధులు నిర్వహిస్తున్నారు. ఈ యుద్ధనౌక రికార్డు స్థాయిలో సుమారు 250 రోజులుగా సముద్రంలోనే ఉందని కథనాలు చెబుతున్నాయి. సుదీర్ఘ మోహరింపు, కఠినమైన విధులు, ఆహారం–మంచినీటి కొరత, పారిశుద్ధ్య సమస్యలు, కుటుంబ సభ్యులను ఎప్పుడు కలుస్తామో తెలియని పరిస్థితి వంటి అంశాలు సిబ్బందిపై మానసిక ఒత్తిడిని పెంచుతున్నట్లు విశ్లేషణలు వెలువడ్డాయి.
ఇరాన్-అమెరికా మధ్య ఉద్రిక్తతలు కొనసాగుతున్న నేపథ్యంలో యుద్ధం ఎప్పుడు ముగుస్తుందో స్పష్టత లేకపోవడం కూడా నావికుల్లో ఆందోళనకు కారణమవుతోందని సమాచారం.
మరోవైపు అమెరికా అధ్యక్షుడు డొనాల్డ్ ట్రంప్ అధికారంలో ఉన్నంతకాలం యుద్ధాన్ని కొనసాగించే అవకాశం ఉందా అనే చర్చ కూడా తెరపైకి వచ్చింది. ఇరాన్ రివల్యూషనరీ గార్డ్స్కు (IRGC) చెందిన ఓ సీనియర్ సలహాదారు చేసిన వ్యాఖ్యలు ఈ చర్చకు మరింత ప్రాధాన్యం కల్పించాయి.
యుద్ధాన్ని దీర్ఘకాలం కొనసాగించడం ద్వారా ప్రత్యర్థిని బలహీనపర్చవచ్చని, తద్వారా ఇరాన్పై దాడి చేయాలనుకునే వారు పునరాలోచించే పరిస్థితి ఏర్పడుతుందని ఆయన వ్యాఖ్యానించినట్లు సమాచారం.
Andhra pradesh Andhrapradesh APNews BreakingNews Breaking news BusinessNews CricketNews CrimeNews EducationNews EntertainmentNews Geopolitics Government Hyderabad India IndianCinema IndiaNews InternationalNews LatestNews MarketUpdate MovieNews News NewsToday NewsUpdate PoliticalNews shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiMedia ShivaShaktiNews SportsNews StockMarket TechNews Telangana TelanganaNews TeluguCinema TeluguNews Tollywood TrendingNews ViralNews WorldNews
