తమ్ముడిని కాపాడే క్రమంలో అన్న మృతి.. బావిలో ఇద్దరి ప్రాణాలు హరింపు

ఆదిలాబాద్ జిల్లా ఉట్నూరు మండలంలో చోటుచేసుకున్న ఈ విషాద ఘటన గ్రామస్థులను కన్నీటి పర్యంతం చేసింది. అన్నదమ్ముల మధ్య ఉన్న ఆప్యాయతే చివరికి వారి ప్రాణాలను బలిగొన్నట్లు స్థానికులు చెబుతున్నారు. తమ్ముడిని కాపాడాలనే ఆతృతలో క్షణం ఆలస్యం చేయకుండా బావిలోకి దూకిన జంగు ధైర్యసాహసం అందరినీ కదిలించింది.

బావి లోతుగా ఉండటంతో పాటు అడుగున బురద ఎక్కువగా ఉండటంతో బయటకు రావడం అసాధ్యమైందని గ్రామస్తులు తెలిపారు. సంఘటన విషయం తెలిసిన వెంటనే స్థానికులు అక్కడికి చేరుకుని సహాయక చర్యలు చేపట్టారు. అయితే అప్పటికే ఆలస్యమైందని సమాచారం. అనంతరం మృతదేహాలను బయటకు తీశారు.జంగు భార్య ఇప్పటికే మరణించడంతో అతను ఒంటరిగా జీవిస్తున్నాడు. లేతుకు భార్య, చిన్న కుమార్తె ఉండటంతో ఆ కుటుంబం తీవ్ర విషాదంలో మునిగిపోయింది. ఒక్కసారిగా ఇద్దరు యువకులను కోల్పోవడంతో తల్లిదండ్రులు, బంధువులు దుఃఖసాగరంలో మునిగిపోయారు.

ఈ ఘటనతో గ్రామంలో శోకసంద్రం నెలకొంది. మానసిక సమస్యలతో బాధపడుతున్నవారికి సరైన వైద్య చికిత్స, పర్యవేక్షణ అవసరమని స్థానికులు అభిప్రాయపడుతున్నారు. అలాగే మద్యం మత్తు ఎంతటి ప్రమాదాలకు దారితీస్తుందో ఈ సంఘటన మరోసారి గుర్తుచేసింది.పోలీసులు కేసు నమోదు చేసి దర్యాప్తు కొనసాగిస్తున్నారు.