పల్నాడు జిల్లాలో దారుణం -తల్లిని కాల్చిచంపిన కూతురు

సత్తెనపల్లి పట్టణంలో విషాదం చోటుచేసుకుంది.. ఆంధ్రప్రదేశ్ రాష్ట్రంలోని పల్నాడు జిల్లాకు చెందిన ఈ ప్రాంతంలో కన్నతల్లిని స్వంత కుమార్తె సజీవదహనం చేసిన ఘటన కలకలం రేపుతోంది.పోలీసులు తెలిపిన వివరాల ప్రకారం, ఈ నెల 8వ తేదీ రాత్రి రమాదేవి ఇంట్లో నిద్రిస్తున్న సమయంలో కుమార్తె ఆమెపై పెట్రోలు పోసి నిప్పంటించింది. మంటలు వేగంగా వ్యాపించడంతో రమాదేవి అక్కడికక్కడే తీవ్ర గాయాలకు గురయ్యారు. కుటుంబ సభ్యులు, పొరుగువారు గమనించేలోపే పరిస్థితి విషమించడంతో ఆమె ప్రాణాలు కోల్పోయినట్లు సమాచారం.

ప్రాథమికంగా ఈ ఘటనను అనుమానాస్పద మృతిగా భావించిన పోలీసులు కేసు నమోదు చేసి దర్యాప్తు ప్రారంభించారు. అయితే పోస్ట్‌మార్టం నివేదికలు, సాక్ష్యాధారాలు, స్థానికుల వాంగ్మూలాలు పరిశీలించగా ఇది హత్యేనని నిర్ధారణకు వచ్చారు. కుటుంబ కలహాలు, ఆస్తి వివాదాలు ఈ దారుణానికి కారణమై ఉండవచ్చని పోలీసులు అనుమానిస్తున్నారు.

ఘటనపై పూర్తి వివరాలు సేకరించిన పోలీసులు నిందితురాలిని అదుపులోకి తీసుకుని విచారిస్తున్నారు. ఈ సంఘటనతో స్థానికంగా తీవ్ర ఆందోళన నెలకొంది. కన్నతల్లిని సజీవదహనం చేసిన ఈ ఘటనపై ప్రజలు తీవ్ర ఆగ్రహం వ్యక్తం చేస్తున్నారు.పోలీసులు కేసును హత్య కేసుగా మార్చి మరింత లోతైన దర్యాప్తు చేపట్టారు. కుటుంబ నేపథ్యం, ఆర్థిక పరిస్థితులు, ఇటీవల జరిగిన వివాదాలపై కూడా విచారణ కొనసాగుతోంది.