హైదరాబాద్ మెట్రో రైలు ప్రయాణికులకు, ముఖ్యంగా రైల్వే స్టేషన్లకు వచ్చి వెళ్లే వేలాది మందికి ఊరటనిచ్చేలా మెట్రో వేళల్లో మార్పులు చేయాలని దక్షిణ మధ్య రైల్వే కోరుతోంది. ప్రస్తుతం ఉదయం 6 గంటలకు ప్రారంభమవుతున్న మెట్రో సేవలను గంట ముందుగానే, అంటే ఉదయం 5 గంటలకే అందుబాటులోకి తీసుకురావాలని దక్షిణ మధ్య రైల్వే జీఎం సంజయ్కుమార్ శ్రీవాస్తవ రాష్ట్ర ప్రభుత్వానికి విజ్ఞప్తి చేశారు. దేశంలోని వివిధ ప్రాంతాల నుంచి వచ్చే రైళ్లు తెల్లవారుజామున 4:30 నుంచి 7 గంటల లోపే సికింద్రాబాద్, నాంపల్లి వంటి ప్రధాన స్టేషన్లకు చేరుకుంటున్నాయి. అదే సమయంలో వందేభారత్, రాజధాని వంటి ప్రతిష్టాత్మక రైళ్లు కూడా తెల్లవారుజామునే బయల్దేరుతున్నాయి. ఈ కీలక సమయంలో మెట్రో అందుబాటులో లేకపోవడం వల్ల ప్రయాణికులు సొంత వాహనాలు లేదా ట్యాక్సీలపై ఆధారపడాల్సి వస్తోందని, దీనివల్ల వారు తీవ్ర ఇబ్బందులు పడుతున్నారని జీఎం తన విజ్ఞప్తిలో పేర్కొన్నారు.
మెట్రో రైలు వేళల మార్పుపై గత ఏడాది కాలంగా చర్చ జరుగుతున్నప్పటికీ, సాంకేతిక మరియు నిర్వహణ కారణాల వల్ల సమయాన్ని ముందుకు జరపడం సాధ్యం కాదని మెట్రో సంస్థ (L&T) స్పష్టం చేస్తూ వస్తోంది. అయితే, ప్రయాణికుల అవసరాలను దృష్టిలో ఉంచుకుని ఈ ప్రతిపాదనను మరోసారి క్షుణ్ణంగా పరిశీలించాలని ప్రభుత్వ ప్రధాన కార్యదర్శి రామకృష్ణారావు మెట్రో అధికారులను ఆదేశించారు. ప్రస్తుతం నాగోలు, మియాపూర్, ఎల్బీనగర్ వంటి చిట్టచివరి స్టేషన్ల నుంచి ఉదయం 6 గంటలకు రైళ్లు బయల్దేరుతున్నా, అవి సికింద్రాబాద్ లేదా నాంపల్లి వంటి మధ్యంతర స్టేషన్లకు చేరుకునే సరికి 6:30 దాటుతోంది. దీనివల్ల తెల్లవారుజాము రైళ్లను పట్టుకోవాలనుకునే వారికి మెట్రో సేవలు ఉపయోగపడటం లేదు. ఒకవేళ ప్రభుత్వం ఈ ప్రతిపాదనకు ఆమోదం తెలిపి, మెట్రో సేవలు తెల్లవారుజామున 5 గంటలకే ప్రారంభమైతే, అది నగరంలోని రవాణా వ్యవస్థలో ఒక కీలక మార్పుగా మా.రుతుంది.
Andhra pradesh Andhrapradesh APNews BreakingNews Breaking news BusinessNews CricketNews CrimeNews EducationNews EntertainmentNews Geopolitics Government India IndianCinema IndiaNews InternationalNews LatestNews MarketUpdate MovieNews News NewsToday NewsUpdate PoliticalNews PublicSafety shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiMedia ShivaShaktiNews SportsNews StockMarket TechNews Telangana TelanganaNews TeluguCinema TeluguNews Tollywood TrendingNews ViralNews WorldNews
