థ్రిల్లర్ నుంచి కామెడీ వరకు: ఈ వారం స్ట్రీమింగ్ అయ్యే టాప్ సినిమాలు ఇవే.!

ఏప్రిల్ మూడో వారంలో సినీ ప్రియులను అలరించేందుకు ఓటీటీలు సరికొత్త కంటెంట్‌తో సిద్ధమయ్యాయి. కేరళ రాజకీయాల నేపథ్యంలో సాగే పొలిటికల్ థ్రిల్లర్ నుంచి మంచు లక్ష్మి నటించిన సోషల్ కామెడీ వరకు పలు ఆసక్తికర చిత్రాలు ఈ వారం డిజిటల్ తెరపై సందడి చేయనున్నాయి.

ప్రతిఛాయ (మలయాళం – తెలుగు డబ్బింగ్)

మలయాళ స్టార్ హీరో నివిన్ పౌలీ ప్రధాన పాత్రలో నటించిన పొలిటికల్ థ్రిల్లర్ ‘ప్రతిఛాయ’. కేరళ ముఖ్యమంత్రి కుమారుడైన ఒక ఐటీ ప్రొఫెషనల్, అనుకోని రాజకీయ కుట్రల వల్ల ఇష్టం లేకపోయినా పాలిటిక్స్‌లోకి రావాల్సి రావడం ఈ సినిమా కథాంశం.

ఓటీటీ వేదిక: జియో హాట్‌స్టార్ (Jio Hotstar)
విడుదల తేదీ: ఏప్రిల్ 24, 2026 (శుక్రవారం)
దర్శకత్వం: బి. ఉన్నికృష్ణన్

లేచింది మహిళా లోకం (తెలుగు)

మంచు లక్ష్మి, అనన్య నాగళ్ల, శ్రద్ధా దాస్, హరితేజ ప్రధాన పాత్రల్లో నటించిన చిత్రం ‘లేచింది మహిళా లోకం’. భార్యాభర్తల మధ్య అనుబంధం, విడాకులు, కోర్టు కేసులను సెటైరికల్ కామెడీగా ఈ చిత్రంలో చూపించారు. థియేటర్లలో పెద్దగా సందడి చేయకపోయినా, ఓటీటీలో ఫ్యామిలీ ఆడియన్స్‌ను అలరిస్తుందని మేకర్స్ భావిస్తున్నారు.

ఓటీటీ వేదిక: సన్ నెక్స్ట్ (Sun NXT)
విడుదల తేదీ: ఏప్రిల్ 22, 2026 (బుధవారం)

బ్యాండ్ మేళం (తెలుగు)

గ్రామీణ నేపథ్యంలో సాగే ప్యూర్ లవ్ స్టోరీ ‘బ్యాండ్ మేళం’. పెళ్లి సందడి, పల్లెటూరి వాతావరణం మధ్య సాగే ఈ రొమాంటిక్ డ్రామా వారాంతంలో మంచి ఎంటర్టైన్మెంట్‌గా నిలవనుంది.