విజయవాడకు చెందిన ప్రముఖ ఫొటో జర్నలిస్ట్ తమ్మా శ్రీనివాసరెడ్డి ప్రతిష్ఠాత్మకమైన మాస్టర్ ఆఫ్ ది ఆస్ట్రేలియన్ ఫొటోగ్రాఫిక్ సొసైటీ (MAPS) పురస్కారానికి ఎంపికయ్యారు. ఫొటోగ్రఫీలో ఆయన చూపిన అసాధారణ ప్రతిభ, సృజనాత్మకత, నైపుణ్యానికి గుర్తింపుగా ఆస్ట్రేలియన్ ఫొటోగ్రాఫిక్ సొసైటీ ఈ గౌరవాన్ని ప్రకటించింది.
“రిస్క్ యాజ్ జాబ్: ది డైలీ సాగా ఆఫ్ ఆర్టిసనల్ కోల్ మైనర్స్” పేరుతో ఆయన రూపొందించిన డాక్యుమెంటరీ ఈ పురస్కారానికి ఎంపిక కావడం విశేషం. సింగరేణి బొగ్గు గనుల్లో పనిచేస్తున్న కార్మికుల జీవన పోరాటం, ప్రమాదకర పరిస్థితులు, వారి దైనందిన కష్టాలను ఈ డాక్యుమెంటరీలో ఆయన ఎంతో ప్రభావవంతంగా చిత్రీకరించారు.
ఈ గౌరవాన్ని 2026 నవంబర్ 24న ఆస్ట్రేలియాలో నిర్వహించనున్న ప్రత్యేక కార్యక్రమంలో అందుకోనున్నారు. అంతర్జాతీయ స్థాయిలో గుర్తింపు పొందిన ఈ అవార్డు, ఆయన ఫొటోగ్రఫీ ప్రయాణంలో ఒక కీలక మైలురాయిగా నిలిచిందని భావిస్తున్నారు.
గుంటూరు జిల్లా ఉండవల్లికి చెందిన తమ్మా శ్రీనివాసరెడ్డి ఫొటోగ్రఫీ రంగంలో ఇప్పటికే అనేక జాతీయ, అంతర్జాతీయ పురస్కారాలు అందుకున్నారు. ప్రస్తుతం ఆయన ఆచార్య నాగార్జున విశ్వవిద్యాలయంలో ఫొటోగ్రఫీ విభాగంలో అతిథి అధ్యాపకుడిగా పనిచేస్తున్నారు.
ఈ సందర్భంగా ఆయన మాట్లాడుతూ, ఈ గుర్తింపు తన ఫొటోగ్రఫీ ప్రయాణంలో మరపురాని ఘట్టమని, మరింత సామాజిక అంశాలపై దృష్టి పెట్టే ప్రేరణ ఇస్తుందని తెలిపారు.
Andhra pradesh Andhrapradesh APNews BreakingNews Breaking news BusinessNews CricketNews CrimeNews EntertainmentNews Geopolitics Government India IndiaNews InternationalNews LatestNews LawAndOrder MarketUpdate News news24 newsalert NewsToday NewsUpdate PoliticalNews PublicSafety shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiMedia ShivaShaktiNews SportsNews TechNews Telangana TelanganaNews TeluguCinema TeluguNews Tollywood TrendingNews TrendingNow ViralNews WorldNews
