ప్రపంచవ్యాప్తంగా పెరుగుతున్న భౌగోళిక రాజకీయ ఉద్రిక్తతలు, యుద్ధ పరిస్థితుల నేపథ్యంలో అణ్వాయుధ దేశాలు తమ రక్షణ సామర్థ్యాలను మరింత బలోపేతం చేస్తున్నాయి. ఈ క్రమంలో భారత్ కూడా తన వ్యూహాత్మక రక్షణ శక్తిని క్రమంగా పెంచుకుంటోంది.
స్టాక్హోమ్ అంతర్జాతీయ శాంతి పరిశోధన సంస్థ (సిప్రి) విడుదల చేసిన తాజా నివేదిక ప్రకారం, 2025 జనవరి నాటికి భారత్ వద్ద 190 అణు వార్హెడ్లు ఉన్నాయి. గత ఏడాదితో పోలిస్తే భారత్ తన అణ్వాయుధ నిల్వలను 10 వార్హెడ్ల మేర పెంచుకుంది. అదే సమయంలో పాకిస్థాన్ వద్ద 170 అణ్వాయుధాలు ఉండగా, భారత్ 20 వార్హెడ్ల ఆధిక్యంలో నిలిచింది.
ఆసియాలో అణు శక్తుల పోటీలో చైనా మరింత ముందంజలో ఉంది. ప్రస్తుతం చైనా వద్ద 620 అణు వార్హెడ్లు ఉన్నాయని నివేదిక పేర్కొంది. గత ఏడాదితో పోలిస్తే మరో 20 వార్హెడ్లను చైనా తన ఆయుధాగారంలో చేర్చుకుంది.
ప్రపంచంలో అత్యధిక అణ్వాయుధాలు కలిగిన దేశాలుగా రష్యా, అమెరికా కొనసాగుతున్నాయి. రష్యా వద్ద 5,420 అణ్వాయుధాలు ఉండగా, అమెరికా వద్ద 5,042 అణు వార్హెడ్లు ఉన్నట్లు సిప్రి వెల్లడించింది. ఫ్రాన్స్, బ్రిటన్, ఇజ్రాయెల్, ఉత్తర కొరియా వంటి దేశాలు కూడా అణ్వాయుధ శక్తుల జాబితాలో ఉన్నాయి.
ప్రపంచవ్యాప్తంగా మొత్తం 9 అణ్వాయుధ దేశాల వద్ద 12 వేలకుపైగా అణ్వాయుధాలు ఉన్నట్లు నివేదిక తెలిపింది. అంతర్జాతీయ భద్రతా పరిస్థితులు క్లిష్టంగా మారుతున్న వేళ అణ్వాయుధ నిల్వలు పెరగడం ప్రపంచవ్యాప్తంగా ఆందోళన కలిగిస్తోంది.
మరోవైపు రక్షణ వ్యయంలో భారత్ ప్రపంచంలో ఐదో స్థానంలో నిలిచింది. 2025లో భారత రక్షణ వ్యయం 92.1 బిలియన్ డాలర్లకు చేరిందని సిప్రి నివేదిక వెల్లడించింది. ఇది గత ఏడాదితో పోలిస్తే 8.9 శాతం అధికం. అలాగే 2021-25 మధ్య ప్రపంచ రక్షణ దిగుమతుల్లో 8.2 శాతం వాటా భారత్దే కావడం విశేషం.
Andhra pradesh Andhrapradesh APNews BreakingNews Breaking news BusinessNews CricketNews CrimeNews EducationNews EntertainmentNews Geopolitics Government Hyderabad India IndianCinema IndiaNews InternationalNews LatestNews MarketUpdate MovieNews News NewsUpdate PoliticalNews shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiMedia ShivaShaktiNews SportsNews StockMarket TechNews Telangana TelanganaNews TeluguCinema TeluguNews Tollywood TrendingNews ViralNews Wellness WorldNews
