కస్తూర్బా గాంధీ బాలికా విద్యాలయాల్లో (కేజీబీవీ) సీఆర్టీ, పీజీటీ, ప్రిన్సిపల్ పోస్టుల భర్తీకి సంబంధించి ఉపాధ్యాయ అర్హత పరీక్ష (టెట్) నుంచి తాత్కాలిక మినహాయింపు ఇస్తున్నట్లు సమగ్ర శిక్షా అభియాన్ ప్రాజెక్టు డైరెక్టర్ బి. శ్రీనివాసరావు తెలిపారు. ఈ మేరకు సవరించిన నోటిఫికేషన్ను విడుదల చేసినట్లు అధికారులు వెల్లడించారు.
గత నెల 25న విడుదల చేసిన నోటిఫికేషన్లో 299 పోస్టుల భర్తీకి టెట్ అర్హతను తప్పనిసరిగా ఉంచారు. అయితే తాజా సవరణ ప్రకారం సీఆర్టీ, పీజీటీ (జనరల్), ప్రిన్సిపల్ పోస్టులకు టెట్ అవసరం లేకుండానే అభ్యర్థులు దరఖాస్తు చేసుకోవచ్చని స్పష్టం చేశారు.
ఈ సడలింపు వల్ల అనేక మంది అభ్యర్థులకు దరఖాస్తు చేసే అవకాశం లభించనుంది. అయితే ఎంపికైన అభ్యర్థులు విధుల్లో చేరిన తర్వాత ఏడాదిలోగా తప్పనిసరిగా టెట్ అర్హతను సాధించాల్సి ఉంటుందని నిబంధనలో పేర్కొన్నారు. నిర్దిష్ట గడువులో టెట్ అర్హత సాధించకపోతే తదుపరి చర్యలు తీసుకునే అవకాశం ఉన్నట్లు సమాచారం.
ఈ మార్పు కేజీబీవీ నియామక ప్రక్రియను మరింత విస్తృతం చేయడమే కాకుండా, అర్హులైన అభ్యర్థులకు తాత్కాలిక ఉపశమనం కలిగిస్తుందని అధికారులు అభిప్రాయపడుతున్నారు.
Andhra pradesh Andhrapradesh APNews BreakingNews Breaking news BusinessNews CricketNews CrimeNews EducationNews EntertainmentNews Geopolitics Government India IndiaNews InternationalNews LatestNews LawAndOrder MarketUpdate News news24 newsalert NewsToday NewsUpdate PoliticalNews PublicSafety shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiMedia ShivaShaktiNews SportsNews TechNews Telangana TelanganaNews TeluguCinema TeluguNews Tollywood TrendingNews ViralNews WorldNews
