ఎయిర్టెల్ రెండో హెడ్క్వార్టర్ను హైదరాబాద్లో ఏర్పాటు చేసే అంశాన్ని పరిశీలిస్తున్నామని భారతీ ఎంటర్ప్రైజెస్ ఛైర్మన్ సునీల్ భారతీ మిత్తల్ సీఎం రేవంత్ రెడ్డికి తెలిపారు. తెలంగాణలో డేటా సెంటర్ల సామర్థ్యాన్ని మరింత పెంచేందుకు పూర్తి సహకారం అందిస్తామని ఆయన హామీ ఇచ్చారు.
మంగళవారం హైదరాబాద్లోని ఎంసీఆర్హెచ్ఆర్డీ బోధి పెవిలియన్లో ముఖ్యమంత్రి రేవంత్ రెడ్డితో సునీల్ భారతీ మిత్తల్ మర్యాదపూర్వకంగా భేటీ అయ్యారు. ఈ సందర్భంగా రాష్ట్రంలో ప్రభుత్వం తీసుకొస్తున్న విద్యా సంస్కరణలను ముఖ్యమంత్రి ఆయనకు వివరించారు.
సమావేశంలో చందన్వెల్లిలో ఎయిర్టెల్ ఏర్పాటు చేయనున్న డేటా సెంటర్ ప్రాజెక్టును వీలైనంత త్వరగా ప్రారంభించాలని సీఎం సూచించారు. అలాగే తెలంగాణలో మరింత భారీ సమగ్ర డేటా సెంటర్, ఏఐ మౌలిక సదుపాయాల క్యాంపస్ ఏర్పాటు చేసే అవకాశాన్ని పరిశీలించాలని ఆయన కోరారు.
హైదరాబాద్లో ఎయిర్టెల్ డిజిటల్, క్లౌడ్, సైబర్ సెక్యూరిటీ, ఏఐ కార్యకలాపాలను మరింత విస్తరించాలన్న విషయంపై కూడా సీఎం దృష్టి సారించాలని సూచించారు. భవిష్యత్ పెట్టుబడులపై సమన్వయం కోసం ఒక సీనియర్ ఎగ్జిక్యూటివ్ను నామినేట్ చేయాలని ఆయన కోరారు.
భారతీ ఫౌండేషన్ ద్వారా ప్రభుత్వ పాఠశాలలు, ఏటీసీల్లో చదువుకునే విద్యార్థులకు స్కాలర్షిప్లు అందజేస్తామని సునీల్ మిత్తల్ ఈ సందర్భంగా తెలిపారు. ఫైబర్ కనెక్టివిటీని మరింత పెంచడంపై కూడా ఆయన ఆసక్తి వ్యక్తం చేశారు.
ఈ సమావేశంలో ప్రభుత్వ ప్రధాన కార్యదర్శి కె. రామకృష్ణారావు కూడా పాల్గొన్నారు.
Andhra pradesh Andhrapradesh APNews BreakingNews Breaking news BusinessNews CricketNews CrimeNews EntertainmentNews Geopolitics Government India IndiaNews InternationalNews LatestNews LawAndOrder MarketUpdate MovieNews News news24 newsalert NewsToday NewsUpdate PoliticalNews PublicSafety shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiMedia ShivaShaktiNews SportsNews TechNews Telangana TelanganaNews TeluguCinema TeluguNews Tollywood TrendingNews ViralNews WorldNews
