నీట్ ప్రశ్నపత్రం లీక్ వ్యవహారం, దిల్లీలో ఆందోళన చేస్తున్న విద్యార్థులపై జరిగిన లాఠీఛార్జి, విద్యా వ్యవస్థపై కేంద్ర ప్రభుత్వ వైఖరిని నిరసిస్తూ విద్యార్థి సంఘాలు ఇచ్చిన బంద్ పిలుపుతో తెలంగాణవ్యాప్తంగా విద్యాసంస్థలు మూతపడ్డాయి. శుక్రవారం రాష్ట్రంలోని పలు పాఠశాలలు, కళాశాలలు, ఇతర విద్యాసంస్థలు బంద్కు మద్దతు తెలిపాయి.
విద్యార్థుల సమస్యలపై కేంద్ర ప్రభుత్వం తక్షణమే స్పందించాలని, నీట్ ప్రశ్నపత్రం లీకేజీపై సమగ్ర దర్యాప్తు జరిపి బాధ్యులపై కఠిన చర్యలు తీసుకోవాలని విద్యార్థి సంఘాలు డిమాండ్ చేశాయి. విద్యార్థుల భవిష్యత్తుతో చెలగాటం ఆడకుండా పరీక్షల నిర్వహణలో పారదర్శకత, జవాబుదారీతనం ఉండాలని కోరాయి. దిల్లీలో తమ హక్కుల కోసం నిరసన వ్యక్తం చేస్తున్న విద్యార్థులపై పోలీసుల చర్యలను కూడా విద్యార్థి సంఘాలు తీవ్రంగా ఖండించాయి.
బంద్ నేపథ్యంలో ఎన్ఎస్యూఐ రాష్ట్ర అధ్యక్షుడు యడవల్లి వెంకటస్వామి తదితరులు కార్యక్రమాలను పర్యవేక్షించారు. విద్యార్థి సంఘాల పిలుపుతో రాష్ట్రవ్యాప్తంగా పలు ప్రాంతాల్లో విద్యార్థులు, నాయకులు నిరసన కార్యక్రమాలు నిర్వహించారు. విద్యార్థుల ఆందోళనల కారణంగా కాళోజీ నారాయణరావు ఆరోగ్య విశ్వవిద్యాలయం, ఉస్మానియా విశ్వవిద్యాలయం, జేఎన్టీయూ పరిధిలో శుక్రవారం జరగాల్సిన అన్ని పరీక్షలను వాయిదా వేశారు. పరీక్షల తదుపరి తేదీలను సంబంధిత విశ్వవిద్యాలయాలు ప్రకటించనున్నాయి.
Andhra pradesh Andhrapradesh APNews BreakingNews Breaking news BusinessNews CricketNews CrimeNews EducationNews EntertainmentNews Geopolitics Government Hyderabad India IndianCinema IndiaNews InternationalNews LatestNews MarketUpdate MovieNews News NewsToday NewsUpdate PoliticalNews shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiMedia ShivaShaktiNews SportsNews StockMarket TechNews Telangana TelanganaNews TeluguCinema TeluguNews Tollywood TrendingNews ViralNews WorldNews
